Májilis depýtaty Erlan Saıyrov Qaraǵandyda "jedel járdem" júrgizýshisin aıaýsyz soqqyǵa jyqqan buzaqyny qatań jazalaýǵa shaqyrdy, dep habarlaıdy alash.kz saıty Dalanews.kz ke siltep.
Májiliste balalar men áıelderge qarsy zorlyq-zombylyqqa baılanysty jaýapkershilikti kúsheıtý jónindegi zań jobasy qaralyp jatyr. Osy tusta Saıyrov jaqynda Qaraǵandyda bolǵan oqıǵany tilek tıek etip, qyzmettik mindetin atqarýshylardyń densaýlyǵyna jaraqat keltirgenderge jazany kúsheıtýdi usyndy.
“Mysaly, Qaraǵandyda jedel járdem júrgizýshisin bir naqurys uryp tastady. Biz ony búkil Qazaqstan bolyp izdep, áreń taptyq. Biraq qazir ony qatań jazalaıtyn esh tetik joq. Sol sebepti dál sondaı otmorozoktardy qatań jazalaıtyndaı sharalar qajet. Máselen, qylmystyq iste olar bas bostandyǵynan aıyratyndaı jaza taǵaıyndalýy tıis. İshki ister mınıstrligi nege sondaı bapty engizbeı otyr? Nege sondaı adamdarǵa lıberaldy amal qoldanylady, – dedi depýtat.
Al Igor Lepeha bul másele boıynsha tıisti shara qolǵa alynǵanyn jetkizdi. Onyń aıtýynsha, buzaqyǵa qylmystyq is qozǵalyp jatyr.
