Tiri bolsam, qazaqqa qyzmet etpeı qoımaımyn!

Álıhan Bókeıhan

Dıplomdy qajet etpeıtin jumystarǵa vakansıa kóp ashylyp jatyr

14 mamyr 2024 701

Júrgizýshi,kúzetshi qyzmetterine vakansıa kóbeıgen. Bul týraly QR Eńbek jáne halyqty áleýmettik qorǵaý mınıstrliginiń saıtynda jarılandy, dep habarlaıdy Alash.kz Ulysmedia.kz saıtyna silteme jasap. 

2024 jylǵy sáýirde Enbek.kz Elektrondyq eńbek bırjasynda  90,3 myń bos jumys orny jáne 108,9 myń túıindeme ornalastyryldy.Ó tken aımen salystyrǵanda bos oryndar sany 20%-ǵa, túıindemeler sany 35%-ǵa kóp.  

Suranystyń jartysy orta bilikti qyzmetkerlerge. Bul sanatqa árbir ekinshi bos oryn  tıesili.  

Myna salalarǵa bos jumys oryndary anaǵurlym kóbirek bolǵan eken: 

  • bilim berý 17,9 myń oryn 
  • densaýlyq saqtaý 10 myń oryn 
  • qurylys 8,2 myń oryn 
  • basqa da qyzmet túrleri 11 myń oryn 

Eń suranysqa ıe qyzmetter tizimi mynadaı:  

  • avtomobıl júrgizýshisi 2 myń bos oryn,  
  • tárbıeshi (1,6 myń)  
  • kúzetshi (1,6 myń)  

Sáýir aıynyń qorytyndysy boıynsha tómendegideı mamandyq ıeleri eń joǵary jalaqyny (orta eseppen) suraǵany belgili boldy:  

  • óńdeý ónerkásibindegi seh sheberi 1,3 mln teńgeden joǵary 
  • ázirleý jónindegi jobalar basshysy 951 myń teńgeden joǵary 
  • komersıalyq uıym bólimsheleriniń basshysy 900 myń teńgeden joǵary  

Al, kerisinshe jumys berýshiler eń joǵary jalaqy usynǵan mamandyq ıeleri de bar. Mysaly uńǵymalardy burǵylaý  sheberlerine 750 myń teńgeden bastap jalaqy usynsa, bas prodúserlerle 711 myń teńge jáne avıasıadaǵy ınjenerlerge 701 myń teńgeden bastap jalaqy usynǵan.  

Bul maqala týraly ne oılaısyz?