Tiri bolsam, qazaqqa qyzmet etpeı qoımaımyn!

Álıhan Bókeıhan

Dımashtyń konserti: Býdapeshtke 77 memleketten jankúıer jınaldy

07 mamyr 2024 1966

4 mamyrda Dımashtyń 2024 jylǵy alǵashqy jeke konserti Býdapeshtte "Stranger" týrynyń aıasynda ótti. 

Majarstandaǵy eń úlken alań – Laslo Papp sporttyq arenasynda anshlag. 77 elden kelgen ánshiniń jankúıerleri Dears fandomynyń birdeı fýtbolkalary, jıletteri, sharftary men basqa da túrli-tústi atrıbýttarymen kózge kórindi, dep habarlaıdy alash.kz dimashnews.com saıtyna silteme jasap.

Dımashtyń repertýaryndaǵy ánder ár eldiń avtorlarynyń shyǵarmalarynyń jıyntyǵy. Ár eldiń óneri toǵysqan konsert, árıne, ártúrli tilde sóıleıtin adamdardyń nazaryn aýdartatyny anyq.

Shoý-baǵdarlamada eýropalyq avtorlardyń "GOLDEN" jáne "S.O.S D’UN TERRIEN EN DÉTRESSE"
Dımashtyń vokaldyq jáne akterlik sheberligi biriktirilgen qytaı jáne japon kompozıtorlarynyń "BATTLE OF MEMORIES", "JUST LET IT BE" ı "AUTUMN STRONG" atty shyǵarmalarymen organıkalyq túrde úılesedi.

Dımashtyń gastróldik saparynyń basty maqsattarynyń biri – kórermenderdi Qazaqstannyń dástúrli jáne zamanaýı mádenıetimen tanystyrý bolatyn. Osy negizde, halyq ánderi "DURDARAZ" ben "DAIDIDAÝ" jáne "ADAI" kúıimen qatar sahna tórinen belgili qazaqstandyq avtorlardyń ánderi: Ediljan Ǵabbasovtyń Djordan Arakelánnyń sózine jazǵan "FLY AWAY" áni, Aıgúl Bajanova men Munaıdar Balmoldanyń "MAHABAT BER MAǴAN" áni jáne Dımashtyń inisi Ábilmansur Qudaıbergenniń "TOGETHER" atty alǵashqy kompozısıalyq týyndysy shyrqaldy.

Dımashtyń kelesi konserti 24 mamyrda Ystambulda ánshiniń 30 jyldyǵynda ótedi.

Bul maqala týraly ne oılaısyz?