Tiri bolsam, qazaqqa qyzmet etpeı qoımaımyn!

Álıhan Bókeıhan

Dopıng daýyna ilingen reseılik Kamıla Valıeva júldesiz qaldy

17 aqpan 2022 106
[ad_1]



Pekın olımpıadasynda mánerlep syrǵanaýdan áıelder arasyndaǵy jarysta reseılik Kamıla Valıeva 4-oryn aldy. Ol qysqa baǵdarlamada úsh aınalym aksel sekirisinde qatelik jiberse, negizgi baǵdarlamada eki ret qulap qaldy.


Altyndy Anna Sherbakova (Reseı), kúmisti Aleksandra Trýsova (Reseı), qolany Kaorı Sakamoto (Japonıa) ıelendi.


Valıeva olımpıada aldynda favorıt bolǵan edi. Biraq Pekın olımpıadasy ótip jatqan tusta Valıeva dopıng daýyna ilindi.


11 aqpanda Halyqaralyq test agenttigi (ITA) Valıevanyń olımpıadaǵa deıin, ıaǵnı 2021 jyly 25 jeltoqsanda tapsyrǵan dopıng testinen ruqsat etilmegen trımetazıdın preparaty tabylǵanyn málimdedi.


RÝSADA (Reseı dopıng agenttigi) 25 jeltoqsanda Reseı chempıonaty kezinde Valıevadan dopıng synamasyn alyp, Shvesıanyń Stokgolm qalasyndaǵy WADA zerthanasyna jibergen. 8 aqpanda Stokgolmdegi zerthana Valıevanyń synamasynan ruqsat etilmegen preparat tapqanyn habarlady.


Osydan soń sportshy birden jarystardan, sonyń ishinde olımpıadadan avtomatty túrde ýaqytsha shettetilgen edi. 9 aqpanda Valıeva RÝSADA-nyń tártiptik komıteti qaıta shaǵymdanady da, jeńiske jetedi (Dopıng Reseı chempıonatynda alynǵan synamadan tabylǵandyqtan Valıeva RÝSADA-ǵa shaǵym túsirdi). RÝSADA Valıevaǵa qoıylǵan ýaqytsha shekteýdi alyp tastap, onyń olımpıadaǵa qatysýyna ruqsat beredi.


10 aqpanda Halyqaralyq olımpıada komıteti, ISU jáne WADA RÝSADA-nyń Valıevaǵa olımpıada oıyndaryna qatysýǵa ruqsat bergen sheshimine qarsy Sport arbıtraj sotyna (SAS) shaǵymdanǵan edi. 14 aqpanda CAS Valıevaǵa olımpıadaǵa qatysýǵa ruqsat bergen.


Al HOK eger Valıeva olımpıadada medal alsa marapattaý rásimi ótpeıdi dep málimdegen. Olımpıadada medaldy Sherbakova, Trýsova, Sakamoto ıelengendikten marapattaý rásimi uıymdastyrylady.


Valıeva Pekın olımpıadasynda Reseı olımpıada komıteti quramasy sapynda komandalyq jarysqa qatysyp, altyn medal ıelenip qoıǵan. HOK komandalyq jarystyń marapattaý rásimi ótpeıtinin jarıalaǵan. Komandalyq jarystyń júldesi Valıevanyń isi aıaqtalǵan soń tapsyrylmaq.






[ad_2]

Derekkóz
Bul maqala týraly ne oılaısyz?