Tiri bolsam, qazaqqa qyzmet etpeı qoımaımyn!

Álıhan Bókeıhan

Dana Nurjigit óziniń zorlyq-zombylyqtyń qurbany bolǵanyn aıtty

18 maýsym 2024 8907

Telejýrnalıst Dana Nurjigit otbasylyq zorlyq-zombylyqtyń qurbany bolǵanyn aıtty, dep habarlaıdy Alash.kz ulttyq portaly Stan.kz saıtyna silteme jasap. 

Ol óz ınstagram paraqshasyna jarıalaǵan postynda kúıeýimen ajyrasyp jatqanyn baıandady.

“Áıelderge qarsy zorlyq-zombylyq taqyryby meni de aınalyp ótpedi. Jábirlenýshiniń ornynda bolyp, sot zalynda turamyn degendi kim bilgen?! Qıyndyq kimde joq. Men de moıymaı, bastysy densaýlyǵym men jumysymnan aıyrmasyn” degen edim. Alaıda moraldyq-psıhologıalyq qysym aldymen densaýlyǵyma keri áserin tıgizdi. Sodan keıin TV-da jumys isteı almaıtyn jaǵdaıǵa jettim. Basshyǵa ózim baryp, jumystan ketetinimdi aıttym. Óıtkeni túske deıin tergeýshiniń aldynda, tústen keıin tikeleı efırde jumys isteýge jaramaı qaldym”, – dep jazdy jýrnalıs.

Aıtýynsha, ekinshi nekedegi azamattyń ústinen arzy jazyp, qylmystyq is qozǵalǵan. 

“Ekinshi nekem baıansyz bolyp, toǵyspaıtyn jerden M.Á. esimdi azamatpen mámilege kelip, adamsha eki jaqqa ketýdiń ornyna is nasyrǵa shaýyp, jabyq esik jaǵdaıyndaǵy sot prosesine jetti. İs 10 aıǵa sozylyp, tergeý prosesinen óttim. Sońǵy núktesi 28 mamyrda qoıyldy. Úkim 13 maýsym kúni kúshine endi. İstiń mán-jaıyn ashpaýǵa qolhat berip, ýádelestik. Sol úshin artyq nárse jazbaımyn. Iá, zańdy túrde qorǵanýǵa májbúr boldym. Bir sheshimge kelermiz dep júrgende istiń arty osynsha ýaqytty alady dep oılamappyn. Jumys pen úıdiń, balamnyń berekesi qashty. Qarjylyq shyǵyn, júıkeniń tozýyn aıtpaı-aq qoıaıyn. Bul oqıǵa men úshin úlken sabaq boldy. Álimniń ákesine deıin qoldap, “Saq bol!” dep maǵan qorǵan bolýǵa tyrysty, jaryqtyq”, – deıdi senator. 

 

Bul maqala týraly ne oılaısyz?