Tiri bolsam, qazaqqa qyzmet etpeı qoımaımyn!

Álıhan Bókeıhan

“Dala Qyrandary" jastar qoǵamdyq birlestigi alkogóldi satý núktelerin anyqtaý boıynsha kezekti reıd ótkizdi

05 maýsym 2024 179

“Dala Qyrandary" jastar qoǵamdyq birlestigi 2024 jyldyń 5 maýsym kúni qoldan jasalǵan alkogóldi satý núktelerin anyqtaý boıynsha kezekti reıd ótkizdi, dep habarlaıdy Alash.KZ ulttyq portaly. 

2024 jylǵy maýsymdaǵy jaǵdaı boıynsha "Dala Qyrandarynyń" qatysýshylary Astananyń bir ǵana “Baıqońyr” aýdanynda qoldan jasalǵan alkogól satýdyń 10-ǵa jýyq núktesin anyqtap, 200 lıtr alkogóldik ishimdikti tárkiledi.

Azamattyq baqylaý barysynda 21 jasqa tolmaǵan uıymymyzdyń múshesi “Almaty” aýdanynda ornalasqan "Olja" dúkeninde (Esil k., 38a) aksızdik markalarsyz satylatyn qoldan jasalǵan alkogóldi satyp aldy. Biz birden bolǵan oqıǵa týraly quqyq qorǵaý organdaryna habarladyq. Oqıǵa ornyna jetken polısıa qyzmetkerleri dúken ıesine ákimshilik hattama toltyrdy.

"Dala Qyrandarynyń" qatysýshylary mundaı bastamalar qalanyń belsendi turǵyndaryn yntalandyrady dep úmittenedi. Bul birlesken is-qımyldar jergilikti máselelerdi tıimdi sheshýge bolatynyn jáne Astanadaǵy ómirdi jaqsartýǵa yqpal etetinin kórsetedi.

Esterińizge sala keteıik, birlestik 2023 jyldyń jeltoqsan aıynda qoldan jasalǵan alkogóldi zańsyz satýdy, esirtki taratýdy jáne basqa da quqyqbuzýshylyqtardy anyqtaý maqsatynda Astana qalasynyń “Baıqońyr” aýdanyna azamattyq baqylaý uıymdastyrǵan bolatyn.

Baılanys:

Kez kelgen qosymsha aqparat alý úshin kelesi nómirge habarlasyńyz +7 705 306 63 66, [email protected] (Anel).

Oraıy kelgende aıta keteıi,«Dala Qyrandary» – Qazaqstannyń qoǵamyn túbegeıli ózgertýge daıyn belsendi ári maqsatty jastardyń basyn bir jerge toǵystyratyn jastar qoǵamdyq birlestigi.

Bul maqala týraly ne oılaısyz?