Tiri bolsam, qazaqqa qyzmet etpeı qoımaımyn!

Álıhan Bókeıhan

«Dala Qyrandary» da qarap otyrmaı, sý tasqynynan zardap shekkenderge kómektesti

08 sáýir 2024 198

"Dala Qyrandary» jastar qoǵamdyq birlestigi tótenshe jaǵdaılardan zardap shekkenderge gýmanıtarlyq kómek jiberip jatyr.

«Biz búgin qoımany toltyra bastadyq. Bizde qazir un, súıyq maı, matrastar bar. Endi qaraqumyq pen kúrish ákelgenin kútip otyrmyz. 10 kún boıy sý ketpeıtin aýdandar da bar, olar jaryqsyz otyr. Osy 3-5 kún boıy qardyń erýi bolsa, ol sý qansha kún turary belgisiz. Adamdar bolsa úısiz, kúnkóris quraldarynsyz... Bizde 9 pýnkt bar, oǵan adamdar birinshi qajetti zattardy kóp alyp kelip jatyr. Mysaly, azyq-túlik, jylytatyn zattar, kórpeler», - dedi «Dala Qyrandarynyń» músheleri.

Jergilikti «Dala qyrandary» qoǵamdyq uıymynyń músheleri sý basqan Qoıandy aýylynyń turǵyndarynyń basyna túsken baqytsyzdyqqa beı-jaı qaraǵan joq. Qoldaryna kúrek pen rezeńke etik alǵan jastar astanalyq kórshilerge kómektesý úshin qar tazalaýǵa kiristi.

Áli erimegen qardy tazalap, jastar jergilikti turǵyndarǵa úılerin odan ári sý basyp ketpeýge kómektesti. Bul yntymaq pen qoldaý áreketi zardap shekkenderge kómektesip qana qoımaı, qoǵamdaǵy, ásirese elimiz úshin qıyn-qystaý kezeńde ózara kómek pen birliktiń mańyzdylyǵyn atap ótti.

Astanadaǵy sý tasqynynan zardap shekkenderge gýmanıtarlyq kómekti qabyldaý pýnktinde «Dala qyrandary» jastar uıymynyń músheleri kómek kórsetti.

Jas belsendiler kelip túsken barlyq qaıyrymdylyqtardy orap, ári qaraı elimizdiń sý basqan aımaqtaryna jetkizý úshin kólikterge tıep berdi.

Astana qalasy Jastar saıasaty máseleleri basqarmasynyń basshysy Samat Ibraev bul jumystyń dene kúshi men uıymdastyrýshylyq qabiletin qajet etetinin aıta kele, uıym músheleriniń eńbegine rızashylyǵyn bildirdi.

Mundaı áreketter qoǵamymyzdaǵy yntymaq pen ózara kómektiń mańyzdy úlgisine aınalady.

Eske salsaq, buǵan deıin jergilikti «Dala qyrandary» qoǵamdyq uıymynyń músheleri Qoıandy aýylynyń turǵyndaryna áli erimegen qardy tazalaýǵa kómektesken bolatyn.

Bul maqala týraly ne oılaısyz?