Tiri bolsam, qazaqqa qyzmet etpeı qoımaımyn!

Álıhan Bókeıhan

Bıshimbaevtyń taǵdyryn úsh suraq qana sheshedi

10 mamyr 2024 1568

Zańger Danıar Baıǵabatov Tengrinews.kztilshisine bergen suhbatynda Qýandyq Bıshimbaev pen Baqytjan Baıjanovtyń taǵdyryn sheshetin úsh suraqty aıtty.

Zańgerdiń sózinshe, árbir aıyptalýshy boıynsha kelesi úsh suraq qoıylady:

  • qylmystyń bolǵany dáleldendi me;
  • bul qylmysty sottalýshy jasaǵany dáleldengen be;
  • sottalýshy bul qylmysty jasaǵany úshin kináli me?

10 mamyrdaǵy sot otyrysynda ne bolady? 

Qylmystyq is júrgizý kodeksiniń 653-babynyń 1-bóligine sáıkes alqabıler máselelerdi talqylaý jáne tujyrymdaý ýaqytynda sot otyrysy zalynan shyǵarylady.

QİJK-niń 653-babynyń ekinshi bóligine sáıkes árbir tarap suraqtardyń mazmuny men tujyrymy boıynsha óz eskertýlerin aıtady, sondaı-aq olar jańa suraqtar qoıý týraly usynystar jasaıdy.

Sýdıa taraptardyń eskertýleri men usynystaryn nazarǵa ala otyryp, keńesý bólmesinde máselelerdi túpkilikti tujyrymdaı otyryp, olardy suraq paraǵyna jazady jáne oǵan qol qoıady. Zalǵa oralǵannan keıin sýdıa taraptar men alqabılerdiń qatysýymen suraq paraǵyn jarıalaıdy.

Osydan keıin suraqtar tujyrymyn ózgertýge, suraq paraǵynan suraqtardy alyp tastaýǵa, oǵan jańa suraqtardy engizýge jol berilmeıdi.

Bul maqala týraly ne oılaısyz?