Tiri bolsam, qazaqqa qyzmet etpeı qoımaımyn!

Álıhan Bókeıhan

"Bıshimbaevtyń qateligi - óz telefonynyń qupıasózin aıtqany". Elge tanymal prokýror tyń suhbat berip, syr bólisti

15 mamyr 2024 760

Saltanat Núkenovany óltirý týraly sot isinen keıin qazaqstandyqtarǵa belgili bolǵan prokýror Aıjan Aımaǵanova BAQ-qa suhbat berdi. Suhbat barysynda óz ómirine qatysty mańyzdy derekterdi tarqata aıtyp, sot prosesindegi negizgi kezeńderdi taldady. Qýandyq Bıshimbaevtyń sot otyrysynda jibergen qateligi jaıly pikir birdirip, elimizdegi quqyqtyq saýat jaıyn baıandady, dep habarlaıdy Alash.KZ ulttyq portaly Tengrinews.kz redaksıasyna silteme kórsete otyryp.

Aıjan Aımaǵanova suhbatta óziniń jeke ómirine, otbasyna, balalyq jaǵy men ata-anasynyń bergen tárbıesine toqtaldy: 

Ata-anama myń taǵzym. Olarǵa bar qıyndyqtarǵa qaramastan bizge jaqsy tárbıe,  keıingi ómirimizde paıdaly azyq bolatyn qundylyqtardy bere alǵany úshin rızamyn, - dedi ol.

Otbasylyq jaǵdaıy jaıly da syr shertip, joldasynyń tarapynan únemi qoldan kóretinin, jylylyq sezinetinin basa aıtty:  

Ia, men turmystamyn. Meniń otbasym bar. Úsh balam bar. Eki qyzy ben ul. Balalar áli kishkentaı, olar mundaı qubylystardy túsinbeıdi. Jubaıym meni únemi qoldaıdy. Olardyń janynan kóp tabyla almasam da, demalys kúni olqylyqtyń ornyn toltyrýǵa tyrysamyn. Otbasymyzdaǵy tatýlyq pen bereke bárimizge baılanysty. Biz oǵan asa jaýapkershilikpen qaraımyz, - dep suhbat berdi Aıjan Aımaǵanova.

Sonymen qatar, prokýro óziniń ómirine sáýle túsirgen Abaıdyń "Qara sózderi" ekenin aıtty:

Men 16 jasymda mektep bitirdim. Anam Abaıdyń "Qara sózderin" syıǵa tartty. "Aıjan, saǵan qıyn bolǵan kezde, muńaıǵan kezde, múmkin, ishtarlyqty qushtarlyqqa almastyrý  úshin Abaıǵa júginip, Abaıdy oqy",- dedi. 16-18 jasymda ol eńbekti túsine qoımadym. Árıne, oqýyn oqydym. Biraq bastapqyda tereń tanym, keń túsinik bolǵan joq. Keıin baryp "Qara sózderdiń" qadirin uǵyndym.Qazir men bul eńbekke udaıy ıek artyp otyramyn.

Keıinnen áńgime Saltanat Núkenovanyń ólimine qatysty iske oıysty. "Prosestegi betburys qaı sát boldy?" degen saýalǵa ol: 

Meniń oıymsha, Bıshimbaevtyń óz telefony parolin bergen kezi. Mine, bul beıneler sot otyrysy barysynda zertteldi. Bul kútpegen betburys boldy. Bul aıyptaýdy kúsheıtti, - dedi ol. 

Sonymen qatar, Aıdan sottaǵy Bıshimbaevtyń qateligine toqtalyp, jaǵdaıdy jan-jaqty taldap berdi:

- Onyń ólimge ákeletin qateligi bizge telefon qupıasózin aıtqanynda. Barlyq  beıneler anyqtaldy. Ol ár mınýt saıyn 27 kadr túsirgen... Meniń oıymsha, sol sátinde qatty mas bolǵan. Tipti, bul beınekadrlardy túsirgenin umytyp qalǵan syńaıly,- dedi prokýror.

Eske sala keteıik,áıelin uryp óltirdi dep aıyptalyp otyrǵan eks-mınıstr Qýandyq Bıshimbaevqa sot úkimi shyqty.

"2024 jyly 13 mamyrda saǵat 17:00-de Astana qalasynyń qylmystyq ister jónindegi mamandandyrylǵan aýdanaralyq sotynda Bıshimbaev pen Baıjanovqa qatysty qylmystyq is boıynsha úkim jarıalandy", - dep habarlady Joǵarǵy sot.

Bıshimbaev taǵylǵan aıyp boıynsha, eks-mınıstr 24 jylǵa bas bostandyǵynan aıyryldy. Al Baıjanov sot úkimimen ol 4 jylǵa sottaldy.

Bul maqala týraly ne oılaısyz?