Tiri bolsam, qazaqqa qyzmet etpeı qoımaımyn!

Álıhan Bókeıhan

Bıshimbaev saraptama qorytyndysyn joqqa shyǵaryp, aıǵaıǵa basty

09 sáýir 2024 558

Bıshimbaev sot-medısınalyq sarapshysyna daýys kóterdi, dep habarlaıdy Alash.kz.

Bıshimbaev sot-medısınalyq sarapshy Halımnazarov “esi durys adam belgili bir kúıde mas bolsa, qulap osyndaı jaraqat alýy múmkin be?” degen saýal qoıdy.

“Saraptama boıynsha onyń qanynan alkogól mólsheriniń az ǵana bóligi tabylǵandyqtan onyń mastyqtan qulaǵany anyqtalmaǵan. “Esi durys adam” dep ataı almaımyn “qalypty jaǵdaıdaǵy adam” mundaı jaraqatty dál osylaı ózi qulap ala almaıdy”, – dep jaýap berdi sarapshy. 

Keıin ekeýiniń arasynda kelispeýshilik týyndap, Bıshimbaev sarapshyǵa daýys kóterdi.

Bıshimbaev: – Men onyń mastyq deńgeıin aıtyp turǵan joqpyn, sol kúıde qulaýy múmkin be sony surap turmyn?

Sarapshy: – Joq.

Bıshimbaev: – Sonda ol mas bola turyp qulaı almaı ma? Basyn uryp ala almaı ma?

“Birinshiden daýys kóterýdiń qajeti joq. Ekinshiden sarapshy suraǵyńyzǵa jaýap berip jatyr. Siz oǵan kedergi jasap, kelesi suraqty qoıǵyńyz keledi. Suradyńyz ba, aıaǵyna deıin tyńdańyz. Eger siz saýalyńyzdyń jaýabyn ári qaraı tyńdaǵyńyz kelmese, bul jaýapty basqa da qatysýshylardyń tyńdaǵysy kelmeıdi degen sóz emes”, – dedi sýdıa.

Bıshimbaev sarapshynyń jaýabyna narazylyǵyn bildirdi.

“Sarapshy boljam jasap tur. Eger ol qulasa, turmaıtyn edi deıdi. Bul – shyn kórinisti kórýge kedergi jasaıtyn boljamdar. Siz eger ólim sebebi sýbdýraldy qan uıý bolmaǵanda tunshyqtyrýdan bolatyn edi deısiz. Sonda eki ret ólimge ákeletindeı jaraqat ákelindi degińiz kelip tur ma? Bul degen mıǵa syımaıtyn nárse ǵoı. Siz oıyńyzdy durys jetkizip turǵan joqsyz”, – dedi Bıshimbaev.

Bul maqala týraly ne oılaısyz?