«Qaısar qyz» atanǵan Aıjan Talǵatqyzy týraly ǵalamtorda aqparat az. Ózi álemeýmettik jeligede tirmelmegen. Biraq prokýrordyń “Astana aqshamy” gazetine bergen suhbatynan málimet berýdi jón kórdik.
Aıjan Talǵatqyzy 1987 jyly Soltústik Qazaqstan oblysynda dúnıege kelgen. Manash Qozybaev atyndaǵy Soltústik Qazaqstan memlekettik ýnıversıtetiniń zań fakúltetiniń túlegi. Eńbek jolyn Soltústik Qazaqstan oblystyq qylmystyq ister jónindegi sotynyń bas mamany bolyp bastaǵan. Qazirgi tańda Astana qalasynyń prokýratýrasynda qyzmet etedi.
Qala prokýrorynyń aǵa kómekshisi, kishi ádilet kómekshisi laýazymy qyzmetinde. “Prokýratýra úzdigi” tósbelgisi, t.s.s. Quqyq qorǵaý organdarynyń túrli marapat-medaliniń ıegeri.
Sonymen qatar Aıjan Talǵatqyzy – otaǵasy ekeýi úsh bala tárbıelep otyrǵan úlgili otbasy. Bos ýaqytynda kóbine perzentterimen tabıǵat aıasyna shyǵyp serýendegendi, sportpen aınalysqandy jany qalaıtyn kórinedi.
Voleıboldan komandalyq jarystarda júldeli oryndarǵa ıe bolyp, Quqyq qorǵaý organdary akademıasy rektorynyń qolynan “Úzdik lıbero” dıplomyn da alǵan eken. A.Aımaǵanova byltyr Qaırat Boranbaevtyń, bıyl Qýandyq Bıshimbaevtyń isinde aıyptaýshy jaqta bolyp, ushqyr oıy, saýatty jumysy úshin halyq rızashylyǵy men súıispenshiligine bólenip otyr.
