Tiri bolsam, qazaqqa qyzmet etpeı qoımaımyn!

Álıhan Bókeıhan

«Bıshimbaev "Bolashaqty» birge bitirgen adamdaryn qyzmetke qoıdy" - Ábilov

22 sáýir 2024 464

Belgili kásipker Bolat Ábilov «Gıperboreı» YouTube-arnasyna bergen suhbatynda basy daýǵa qalǵan eks-mınıstr Qýandyq Bıshimbaevpen kezdesýi jáne Bıshimbaev pen Nazarbaevtyń baılanysy týraly aıtypty. Bul týraly alash.kz dalanevske silteme jasap habarlaıdy.

Ábilov Bıshimbaevpen ol túrmege otyrar aldynda kezdeskenin, alǵashynda ıntellegentti azamat bolyp kóringenin aıtady.

«Bizge solaı kórindi. Óte tárbıeli adam bolyp kórindi. Ol «Báıterekte» (holdıń) bolǵan, sol kezde «BRK» bankke kredıt alýdy josparlap júrgenbiz. Keıinirek ol basqalarmen qalaı sóılesetinin estidik: mádenıetsiz, dóreki eken. «Pasan» bola tura memlekettik qyzmette joǵary dárejege jetken adam, biraq bul da ádiletsiz, orynsyz bolǵan nárse. Eski Qazaqstannyń ózi «eskiler» jáne «Bolashaqtyń elıtalary» dep bólinip júrgende, olar (Bolashaq túlekteri) bılikke talasyp, ózin premer-mınıstr kóre bastaǵanda eski elıta Baıbekke de, Bıshimbaevqa da qylmystyq isti artyp qoımaq bolǵan. Bıshimbaev – eski Qazaqstannyń taýary, ol Nazarbaev ósirgen bala. Bul jeke maqsattaǵy másele. Memlekettik tóńkeris jasamaq bolǵan Másimov Ulttyq qaýipsizdikke jaýap bergen. Al Qýandyq Bıshimbaev áıeline kómektesip, jedel járdem shaqyrýdyń ornyna kóripkelge habarlasa bastaǵan. Bul - jaman pıǵyldy adamdar», - deıdi Ábilov.

Sonymen qatar, Bolat Ábilov Bıshimbaev pen Nazarbaevtyń baılanysy týraly aıtty.

«Bıshimbaev – Nazarbaevtyń erkesi bolǵan. Senim artatyn adamy bolǵan. Ol Nazarbaevtyń kómekshisi bolǵan. Nazarbaevqa unap, Nazarbaev ony damyta bastady. Biraq Bıshimbaev eshbir qyzmetinde nátıje kórsetpegen. Korrýpsıamen aınalysyp, «Bolashaqty» birge bitirgen adamdaryn qyzmetke qoıyp, qaltasyn tompaıtyp júrgen. Premer-mınıstr bolǵysy kelgen», - deıdi Bolat Ábilov.

Bul maqala týraly ne oılaısyz?