Tiri bolsam, qazaqqa qyzmet etpeı qoımaımyn!

Álıhan Bókeıhan

Bıshimbaev 24 jylǵa sottaldy

13 mamyr 2024 581

Áıelin uryp óltirdi dep aıyptalyp otyrǵan eks-mınıstr Qýandyq Bıshimbaevqa búgin sot úkimi shyǵady, - dep habarlaıdy alash.kz.

"2024 jyly 13 mamyrda saǵat 17:00-de Astana qalasynyń qylmystyq ister jónindegi mamandandyrylǵan aýdanaralyq sotynda Bıshimbaev pen Baıjanovqa qatysty qylmystyq is boıynsha úkim jarıalandy", - dep habarlady Joǵarǵy sot.

Conymen, Bıshimbaev taǵylǵan aıyp boıynsha, eks-mınıstr 24 jylǵa bas bostandyǵynan aıyryldy. 

Al Baıjanov sot úkimimen ol 4 jylǵa sottaldy.

Baqytjan Baıjanov Qylmystyq kodekstiń eki baby boıynsha qylmys jasady dep aıyptaldy: 432-bap "aýa aýyr qylmysty jasyryp qalý" jáne 434-bap "asa aýyr qylmysty habarlamaý".

Aıta keteıik, Astana qalasynyń mamandandyrylǵan aýdanaralyq sotynda Qýandyq Bıshimbaevqa qatysty qylmystyq is boıynsha birneshe sot otyrysy ótti. Ony dúıim jurt Joǵarǵy sottyń YouTube arnasynan onlaın qarady.

Azamattyq nekedegi áıeli Saltanat Núkenovany óltirdi degen aıyppen sottalyp jatqan eks-mınıstr Qýandyq Bıshimbaevty advokat Leıla Ramazanova, Nazken Qusaıynova, Erlan Ǵazymjanovtar qorǵady.

Al marqum Saltanat Núkenovanyń aǵasy Aıtbek Amangeldi men onyń otbasynyń advokattary – Janna Orazbahova men Álıa Omarova, Igor Vranchev.

27 naýryzda eks-mınıstr Qýandyq Bıshimbaevtyń isi boıynsha alqabıler tańdalǵan edi. Alqabıler alqasyna 12 adam irikteldi: 10 – negizgi quram, 2 – qosalqy. Sodan keıin ashyq sot otyrystary bastaldy.

Sonymen qatar, Qýandyq Bıshimbaev sotta Saltanat Núkenovany asa qatygezdikpen óltirgenin moıyndamady. Bul oqıǵa 2023 jyly 9 qarashada Astana qalasyndaǵy BAU meıramhanasynda boldy.

Bıshimbaevqa eki bap boıynsha aıyp taǵyldy:

  • asa qatygezdikpen kisi óltirý (15 jyldan 20 jylǵa deıin nemese ómir boıyna bas bostandyǵynan aıyrý);
  • azaptaý (4 jyldan 7 jylǵa deıin bas bostandyǵyn shekteý nemese osy merzimge bas bostandyǵynan aıyrý).
Bul maqala týraly ne oılaısyz?