Tiri bolsam, qazaqqa qyzmet etpeı qoımaımyn!

Álıhan Bókeıhan

Burynǵy kúıeýim tynyshtyq bermeıdi - Aqtaýlyq kelinshek kómek surady

09 mamyr 2024 1717

Burynǵy kúıeýi ańdyp júrgenin aıtqan aqtaýlyq Araılym Álibaeva áleýmettik jelige óz ótinishin aıtty.Bul týraly Alash.kz Stan.kz saıtyna silteme jasap habarlaıdy. 

13 jyl kúıeýimen nekede bolǵan. Osy jyl ishinde ol birneshe ret jubaıynyń soqqysyna túsip, turmystyq zorlyq-zombylyq, emosıonaldy, ekonomıkalyq qysymǵa ushyraǵan. Mundaı qorlyqqa shydamaı, 29 aqpanda kúıeýinen qashyp, bólek páter jaldaǵan. 

“Ol únemi uryp-soǵyp, saldarynan esimdi joǵaltatynmyn. Ústime sý quıatyn, ómirimniń bári kóz aldymnan ótti. Balalar da kýá, kenje balam ábden qorqyp, shymyldyqtyń artyna tyǵylatyn”, – deıdi kelinshek. 

Bólek ketse, de kúıeýi oǵan maza bermegen kórinedi. Barlyq jerde buǵattasa da, Kaspi arqyly az aqsha aýdarǵandaı bop “menimen tildes”, “báribir de kezdesemiz” degen habarlamalar jiberedi deıdi.

5 naýryzda burynǵy kúıeýinen qorǵaý tártibi týraly buıryq shyqqan. Alaıda er adam bul buıryqty birneshe ret buzypty. 6 naýryzda habarlamalar jazyp, al 9 naýryzda áıeldiń kóliginiń terezesin syndyrǵan.

“Ol birneshe ret qaýipsizdigimdi buzdy. Biraq Mańǵystaý oblystyq quqyq qorǵaý organdarynda tanystary bar. Polıseıler qorǵaý tártibi buıryǵyn buzýyna qatysty isti qozǵaǵan da, qaıtadan qysqartyp tastaǵan. Nege ekeni belgisiz. Mańǵystaý oblystyq prokýratýrasy muny zańsyz dep tanydy”, – deıdi Araılym.

1 sáýirde sot er adam usaq buzaqylyq jasaǵany úshin ákimshilik aıyppul saldy. Dese de qorǵaý tártibin buzǵanǵa qatysty ákimshilik is qozǵalmapty. 9 mamyrda istiń merzimi ótedi. 

Amaly taýsylǵan áıel “Nemolchı” qoryna júginipti.

Bul maqala týraly ne oılaısyz?