Tiri bolsam, qazaqqa qyzmet etpeı qoımaımyn!

Álıhan Bókeıhan

Buryńǵy kúıeýi áıelin balalarynyń kózinshe 27 ret pyshaq suǵyp óltirgen

09 sáýir 2024 391

Qyrǵyzstanda jan túrshigerlik jańa turmystyq zorlyq-zombylyq oqıǵasy tirkeldi. Bishkekte er adam óziniń burynǵy azamattyq nekedegi áıeli 34 jastaǵy Rahıma Aıqymbaevany balasynyń kózinshe aıýandyqpen óltirgen. Aıqymbaevanyń jaqyndarynyń aıtýynsha, eks-kúıeýi 27 ret pyshaq suqqan. Keıin óz aıaǵymen polısıa bólimshesine baryp, kinásin moıyndaǵan.

Rahımanyń túrmedegi anasynyń aıtýynsha, onyń ómirin qıǵan adam marqumnyń ekinshi kúıeýi bolǵan.

«Rahıma birinshi nekesinen eki ul týyp, DSP aýrýyna shaldyqqan balasy qaıtys bolǵan soń úshinshi balasyn, ıaǵnı qyzyn asyrap alǵan. Ekinshi kúıeýi Rahımany birneshe ret qatty soqqyǵa jyqqan», - deıdi marqumnyń anasy.

«Olardyń sal aýrýyna shaldyqqan balasy bolǵan. Keıin ol bala qaıtys boldy. Sol qıyn ýaqyttarda men oǵan qamqorlyq jasadym. Kúıeýi Rahımany qalaı urǵanyna kýámin: ol onyń basynan qazanmen uratyn, birneshe ret esinen tanyp qulady. Al qazir ony"Al endi, ol ony doǵal  ret pyshaq suǵyp aıýandyqpen óltirdi. Oqıǵa barysynda Rahımanyń qolynda kishkentaı qyzy blolǵan. Eki uly arǵy bólmede. Mundaı jaýyzdardy ólim jazasyna kesý kerek!»

Kórshileriniń aıtýynsha, burynǵy kúıeýi ózi polısıaǵa baryp, kisi óltirgenin moıyndaǵan. Ol Rahımany opasyzdyq úshin óltirgenin aıtty. Keıin İshki ister mınıstrligi kúdiktiniń ústinen «Erekshe qatygezdikpen kisi óltirý» baby boıynsha qylmystyq is qozǵalǵanyn baıandady.

«Áıelderdi qorǵaý kerek bolǵan kezde zań jumys istemeıdi, Rahıma birneshe ret uryp-soǵyp jatqanyn aıtyp, polısıaǵa aryz jazǵan, biraq olar otbasylyq isterge aralasa almaıtyndaryn aıtty», - deıdi Rahıma Aıqymbaevanyń ápkesi Mırgúl Byljıeva.

«Bul týraly maǵan ol ózi aıtty. Olar áıeldi óltirip qoıǵannan keıin qozǵala bastaıdy. Biz aıyptalýshynyń zań aıasynda jazalanýyn talap etemiz», - dedi ápkesi.

«Ózi kún sekildi edi... Aıtyńyzshy, endi ne isteımin? Qalaı ómir súremin?  Ol 10 jyl jazasyn ótep, bostandyqqa shyǵatyn shyǵar. Al qyzymdy kim qaıtarady», - dep jylady Rahımanyń anasy Salqynaı Qurmanova.

Anasynyń aıtýynsha, eki aı buryn Rahıma kúıeýinen ajyrasýǵa sheshim qabyldaǵan. Biraq bul sheshimi kúıeýine unamaǵan. Sońǵy eki aı ishinde áıelin qaıta ózine qaıtarmaq bolǵan kúıeýiniń sońǵy amaly ony óltirýmen aıaqtalǵan.

 

Bul maqala týraly ne oılaısyz?