Tiri bolsam, qazaqqa qyzmet etpeı qoımaımyn!

Álıhan Bókeıhan

"Bul suhbat bizge óte kúmándi bolyp kórinedi": Qazaqstan SİM-i Zelenskııdiń suhbatyna qatysty málimdeme jasady

03 maýsym 2024 601

Qazaqstan Syrtqy ister mınıstrliginiń resmı ókili Aıbek Smadıarov Ýkraına prezıdenti Vladımır Zelenskııdiń Ortalyq Azıadan kelgen jýrnalıserge bergen suhbatyna qatysty málimdeme jasady, dep habarlaıdy Alash.kz saıty  Azattyq Rýhy-na siltep.

«Syrtqy ister mınıstrliginiń baspasóz hatshysy retinde men Ýkraına basshylyǵynyń suhbatyna túsinikteme bergim kelmeıdi. Biraq biz muny nazardan tys qaldyra almaımyz. Ýkraınalyq tarap bul jobaǵa óz betinshe bastamashylyq jasap, Qazaqstannyń birqatar jekemenshik BAQ ókilderin Kıevke shaqyrdy», - deıdi ol.

Ol ataǵandaı, Qazaqstan Syrtqy ister mınıstrliginiń jelisi boıynsha, ıaǵnı resmı dıplomatıalyq arnalar arqyly bul aqparat ótpedi.

«Bul suhbat bizge óte kúmándi bolyp kórinedi. Sebebi onda utymdylyqtan góri emosıa kóp boldy. Ýkraınalyq BAQ arqyly qazaqstandyq aýdıtorıaǵa júginý ońaıyraq bolar edi»,- dep qosty ol.

Esterińizge sala keteıik, 24 mamyrda Ýkraına basshysy Harkovta Ortalyq Azıadan kelgen jýrnalıserge arnalǵan brıfıń ótkizdi. Ol aımaq elderi kóshbasshylarynyń saıasaty jáne olardy beıbitshilik samıtine shaqyrý týraly pikir bildirdi.

Bul maqala týraly ne oılaısyz?