Birqatar sheteldik BAQ Qasym-Jomart Toqaevtyń ókilettigi 2026 jyly aıaqtalady dep habarlaǵan-dy. Biraq bul jaǵdaıdy memleket basshysynyń keńesshisi Berik Ýálı túsindirdi.
«Bul keıbir jýrnalıserdiń elimizdegi jaǵdaıdan beıhabarlyǵynan týyndaǵan másele bolýy múmkin. Shyn máninde, memleket basshysy «Egemen Qazaqstan» gazetine bergen suhbatynda «2026 jyly referendým ótkizý arqyly Konstıtýsıaǵa ózgeris engizip, kelesi saılaýǵa qatysady» degen alyp-qashpa sózderdi joqqa shyǵardy. Ózderińizge málim, prezıdent 2022 jyldyń qarasha aıynda 7 jylǵa saılandy. Konstıtýsıaǵa sáıkes memleket basshysynyń ókilettigi 2029 jyly aıaqtalady», - dedi Berik Ýálı.