Tiri bolsam, qazaqqa qyzmet etpeı qoımaımyn!

Álıhan Bókeıhan

Bizge odoljenıe jasamańyzdar: Qulsary halqynyń talaby men ashýy áli de basylar emes

16 mamyr 2024 283

"Aqsha qolǵa berilsin",  "Úıdiń sharshy metrin naryq baǵasy 400 myń teńgemen baǵalansyn" degen urandardy qoldaryna alyp shyqqan qulsarylyqtar túndi ákimdik ǵımaraty janynda ótkizdi.  Túngi 01.30. Jańbyr jaýyp, tún sýyq. Narazy toptar aýdandyq ákimshilik ǵımaratynyń ishinde, syrtynda turdy. Bul týraly jergilikti AqJaıyq basylymy jazdy. 

Áskerıler men polısıa narazylyq toptardy syrttaı baqylaýmen boldy.  Narazy halyqtyń aldyna oblystyq máslıhatynyń tóraǵasy Mýsa HAIRÝLLIN shyǵyp ózin tanystyryp: 

Men sý tasqyny kezinde sizdermen bir aı birge boldym. Joǵarǵy jaqqa talaptaryńyzdy jetkizdim... Biraq sharshy metr 400 myń teńge bolmaıdy. Bir saǵat oılanyp, aqyldasýǵa múmkindik beremiz. Sabyr saqtaıyq, - dedi ol.

1,5 saǵattan keıin kópshilik aldyna oblys ákimniń orynbasary Jasulan BISEMBIV shyqty.  

- Biz aqyldasa kele úıdiń sharshy metrin 200-240 myń teńgemen baǵalaımyz dep sheshtik. Qazaqstanda baǵa solaı, aǵaıyn, túsinińizder. Odan artyq bolmaıdy. Máselen, 200 sharshy metr úıińiz bolsa, 40 mln teńge alasyz. Baǵalaý qorytyndysyn bastadyq, endi osylaı jalǵasa beredi, -dedi ol.  

Biraq oǵan jınalǵandar kónbedi, narazy únmen shýlap qoıa berdi.

- Baǵalaý nátıjesin aldym. Úıimdi 12 mln teńgege baǵalapty, oǵan úı sala da, satyp ta ala almaımyn, - dedi qala turǵyndarynyń biri.

- Bizge odoljenıe jasamańyzdar!

Narazylyq jalǵasýda. Esterińizge túsirsek, kóktemgi qarǵyn sýynan 2900 adam jáne júzdegen komersıalyq nysandar búlingen bolatyn.

 

Bul maqala týraly ne oılaısyz?