Tiri bolsam, qazaqqa qyzmet etpeı qoımaımyn!

Álıhan Bókeıhan

Bizge ǵalymdar, ınjenerler, ónertapqyshtar qajet - Toqaev

31 mamyr 2024 355

Bul týraly Memleket basshysy Qasym-Jomart Toqaev ǵalymdarmen kezdesken kezinde aıtty dep habarlaıdy Aqordanyń baspasóz qyzmeti.  

"Shıkizatqa arqa súıep otyrǵan el alysqa barmaıdy. Bizge ǵalymdar, ınjenerler, ónertapqyshtar qajet. Mamandarymyz álemdik básekege tótep bere alatyndaı bilimdi, bilikti bolýy kerek dep, jazady Alash.kz saıty Prezıdent sózin.

Búginde alpaýyt elderdiń arasynda barlyq salada baqtalastyq órship tur. Biz osy kúrdeli kezeńde ekonomıkanyń jańa úlgisine kóshe bastadyq. Ádil, ınklúzıvti ári básekege qabiletti ekonomıka qurýǵa kiristik. Ǵylym men ınovasıa onyń basty tiregi bolýǵa tıis.

Biz kóshke ilesetin emes, kóshti bastaıtyn elderdiń qatarynda bolýymyz kerek. Bir sózben, ǵylymı áleýetimizdi arttyrý qajet. Jalpy, osy baǵytta biraz sharýa atqarylyp jatyr. Men Ǵylym jáne tehnologıalar jónindegi ulttyq keńestiń otyrysynda birqatar naqty tapsyrma berdim. Barlyq másele meniń tikeleı baqylaýymda.

Qazir "Ǵylym jáne tehnologıalyq saıasat týraly" zań jobasy Parlamentte qaralyp jatyr. Keshe Senat ony birinshi oqylymda maquldady. Bul – óte mańyzdy ári kópten kútken qujat. Ǵylymdy basqarý júıesin jetildirý kerek. Ǵalymdarǵa áleýmettik qoldaý kórsetý máselesi de óte mańyzdy. Sondyqtan Zańda ǵylymı qaýymdastyqtyń múddesi barynsha eskeriletin bolady", - dedi Prezıdent.

Bul maqala týraly ne oılaısyz?