Kimder ornyn saqtap qaldy?
Roman Sklár úkimet basshysynyń birinshi orynbasary, al Tamara Dúısenova, Serik Jumanǵarın da orynbasar laýazymynda qaldy. Ekeýi de aldyńǵy premerdiń kezinde jumys istegen.
Sonymen birge, Murat Nurtileý premer-mınıstriniń orynbasary – syrtqy ister mınıstri, Rýslan Jaqsylyqov qorǵanys mınıstri, Erjan Sádenov te ishki ister mınıstri qyzmetin jalǵastyrady.
Laýazymyn saqtap qalǵan basshylardyń qatarynda energetıka mınıstri Almasadam Sátqalıev, mádenıet jáne aqparat mınıstri Aıda Balaeva, ádilet mınıstri Azamat Esqaraev, oqý-aǵartý mınıstri Ǵanı Beısembaev, ǵylym jáne joǵary bilim mınıstri Saıasat Nurbek, eńbek jáne halyqty áleýmettik qorǵaý mınıstri Svetlana Jaqypova, týrızm jáne sport mınıstri Ermek Marjyqpaev, sıfrlyq damý, ınovasıalar jáne aeroǵarysh mınıstri Baǵdat Mýsın, saýda jáne ıntegrasıa mınıstri Arman Shaqqalıev, kólik mınıstri Marat Qarabaev pen sý resýrstary jáne ırrıgasıa mınıstri Nurjan Nurjigitov bar.
Jańa mınıstrler
Mınıstr qyzmetine kelgender kóp emes. Ajar Ǵınıattyń ornyn senator Aqmaral Álnazarova basty. Ulttyq ekonomıka mınıstrligine Nurlan Baıbazarov kelse, Shyńǵys Árinov tótenshe jaǵdaılar mınıstri, Mádı Tákıev qarjy mınıstri bolyp taǵaıyndaldy.
