Tiri bolsam, qazaqqa qyzmet etpeı qoımaımyn!

Álıhan Bókeıhan

Baýyrjan Mýsın meni Saltanattyń týystaryna qarsy úgittedi - Baıjanov

15 sáýir 2024 327

Sottalýshy Baıjanovty marqum Núkenovanyń týystaryna qarsy qoıýǵa úgittegen. 

Astanada áıelin asa qategezdikpen óltirdi dep aıyp taǵylǵan burynǵy mınıstr Qýandyq Bıshimbaevtyń soty jalǵasyp jatyr. 

Sot zalynda Baıjanov ýaqytsha qamaý ızolátorynda oǵan Baýyrjan Mýsın esimdi adam kelip, qaza tapqan Saltanat Núkenovanyń týystaryna qarsy qoıýǵa kóndirgenin aıtty dep habarlaıdy alash.kz saıty inbusiness.kz - ke siltep.

"Baýyrjan Mýsın 4 ret keldi. Keshki saǵat 21.00 kezinde men onymen tergeý ızolátorynda kezdestim. Onyń qasynda Bıshimbaev turdy. Men olarmen sóılespeı, keri burylyp ketip qaldym. Men de, meniń advokattarym da bul jaǵdaıdy ákimshige eskerttik. Biraq ol qulaq asqan joq. Qaıta-qaıta kezdesýge kele berdi. Meni Saltanattyń týystaryna qarsy úgittedi. Baýyrjan Mýsınniń kim ekenin bilmeımin, biraq ony biletinder qoǵam qaıratkeri dep aıtady. Biz kezdesken jerde kameralar bar. Bári jazylyp tur", - dedi Baıjanov. 

Aıta keteıik, din isteri jáne azamattyq qoǵam mınıstrliginiń Azamattyq qoǵam isteri komıteti tóraǵasynyń burynǵy orynbasary Baýyrjan Mýsın 2018 jyly para alǵan degen aıyppen 7 jylǵa sottalǵan. 

Mýsın "Assar KZ" kompanıasyna 1 mıllıon teńgege, sondaı-aq kásipker Kúlsharıevten 400 000 teńgege para alǵany belgili boldy. Qazir ol termede jazasyn ótep jatyr. 

Bul maqala týraly ne oılaısyz?