TJ mınıstrligi Batys Qazaqstan oblysynda 455 turǵyn úı, 17 áleýmettik nysan sý astynda qalǵanyn málimdedi.
Qaratóbe aýdanynda qutqarý jumystaryna eki tikushaq jumyldyrylǵan.
"Qazirgi ýaqytta Qorjyn aýylyndaǵy mektepke 350 adam evakýasıalandy. Aqsý kentinde 46 úıden 150 adam evakýasıalandy" dep jazylǵan mınıstrlik habarlamasynda.
Sý basqan aýylda turǵyndar bir traktor jáne bir qaıyqpen ózderi evakýasıa jasap, mektepke jınalǵan. Aıtýlarynsha, búkil aýyl sýǵa ketken. Turǵyndar sýyqtan balalar aýyryp qaldy deıdi.
Zardap shekkenderge Oraldaǵy qarapaıym azamattar qol ushyn sozyp, kómektesip jatyr. Júk kóliginde azyq-túlik, kıim-keshek bar.