Tiri bolsam, qazaqqa qyzmet etpeı qoımaımyn!

Álıhan Bókeıhan

Bas prokýratýra: Prokýrorlar sý tasqynyna qatysty sotqa deıingi tergep-tekserý isin bastady

06 sáýir 2024 264
Qazaqstan Bas prokýratýrasy sý tasqynyna qatysty málimdeme jasap,búdjet qarajatynyń maqsatty jumsalyp-jumsalmaýy, sý tasqynynyń aldyn alý jónindegi josparlardyń oryndalyp-oryndalmaǵanyna qatysty tekseris júrgizip jatqanyn habarlady, dep jazady Alash.KZ ulttyq portaly. 
 
Memleket basshysynyń tapsyrmasy boıynsha búgingi kúni jergilikti negizde tótenshe jaǵdaı rejımi jarıalandy. 10 oblysta ýákiletti memlekettik organdar saldarlardy joıý jáne azaıtý, jańa aýmaqtardy sý basýǵa jol bermeý jóninde sharalar qabyldap jatyr.  Avarıalyq-qutqarý jumystaryna TJM, İİM, ákimdikter men basqa da qyzmetterdiń 10 myńnan astam qyzmetkeri jumyldyryldy.

Prokýratýra organdary naqty eldi mekenderdi sý basý, joldardyń, kópirlerdiń, gıdrotehnıkalyq jáne basqa da obektilerdiń qıraý sebepterin anyqtaıdy.  Atap aıtqanda, búdjet qarajatynyń maqsatty jumsalyp-jumsalmaýy, sý tasqynynyń aldyn alý jónindegi josparlardyń oryndalyp-oryndalmaǵany zerttelip jatyr,- delingen málimdemede. 
Bas prokýratýra zertteý qorytyndysy boıynsha árbir ýákiletti organnyń qyzmetine tıisti quqyqtyq baǵa beriletinin aıtty. 
Búgingi tańda prokýrorlar Aqtóbe, Almaty jáne Atyraý oblystarynda sotqa deıingi 4 tergep-tekserýdi bastady.  Jergilikti jerlerdegi prokýrorlar quqyq qorǵaý organdarynyń zańdylyq pen quqyqtyq tártip rejımin qamtamasyz etý jónindegi qyzmetin úılestiredi... Jergilikti atqarýshy organdar birjolǵy materıaldyq kómek tóleýge kiristi. QR Bas prokýratýrasy
Bul maqala týraly ne oılaısyz?