Qandy qańtardan keıin otstavkaǵa jiberilgen Almatynyń burynǵy ákimi Baqytjan Saǵyntaev jańa laýazymǵa usynyldy.
Bul týraly «Kozachkov offside» Telegram-arnasy habarlaıdy.
«Baqytjan Saǵyntaevqa jumys tabyldy. Osy qujattarǵa qaraǵanda, Almatynyń eks-ákimi Eýrazıalyq ekonomıkalyq komısıadaǵy Rýslan Beketaevty almastyrady» delingen habarlamada.
Eske salsaq, buǵan deıin Almaty turǵyndary Almaty ákimi Saǵyntaevtyń otstavkaǵa ketýin talap etken petısıa jaryqqa shyǵyp, 20 myńnan astam qol jınady. Jelide Almaty qalasynyń ákimi Baqytjan Saǵyntaevtyń otstavkaǵa ketip, ornyna Beıbit Atamqulovtyń kele jatqany týraly habarlama tarady. Almaty ákimdigi bul aqparatty joqqa shyǵarǵan bolatyn. 31 qańtar kúni Qazaqstan prezıdenti Saǵyntaevty otstavkaǵa jiberip, ornyna Erbolat Dosaevty taǵaıyndady.
Derekkóz
