Tiri bolsam, qazaqqa qyzmet etpeı qoımaımyn!

Álıhan Bókeıhan

Balalarǵa qazaqsha kontent jasaýshylardy úzdiksiz qoldaý kerek - ÁSHİMBAEV

06 maýsym 2024 213

Senat tóraǵasy Máýlen Áshimbaev qazaq tildi kontentti kóbeıtý keregin aıtty, dep habarlaıdy Alash.kz ulttyq portaly.  

Bul týraly Mádenıet jáne aqparat mınıstrligine qulaqqaǵys etti. 

Negizgi zańdy talqylaý kezinde spıker M.Áshimbaev Mádenıet jáne aqparat vıse-mınıstri Qanat Ysqaqovqa naqty usynys aıtty.

"Qanat Jumabaıuly, osy máselege oraı jáne ekinshi suraqqa baılanysty aıtsaq, keshe qazaq tilinde kontent jasaıtyn kreatıvti ındýstrıa ókilderiniń forýmyna qatysyp keldik. Sol jerde de osy qazaq tilinde balalarǵa kontent jasap júrgen mamandar biraz máseleni kóterdi. Bári qarjylyq kómek máselesin aıtyp jatyr. Sondaı-aq, marketıń máseleleri de tilge tıek boldy. Jalpy aqparattarǵa qol jetkizý múmkindikteri týraly da máseleler kóterip jatyr. Sizder aqyldasyp, Mass-medıa týraly zańdy depýtattar qabyldap jatsa, sonyń aıasynda balalarǵa qazaq tilinde kontent jasap júrgen mamandardy ortalyqtardy qoldaýlaryńyz kerek. Bizde óte jaqsy, jas mamandar ósip kele jatyr. Keshe biz olardy kórdik, oılaryna, usynystaryna rıza boldyq. Biz jalpy memleket tarapynan osyndaı kompanıalarǵa bir kúndik emes, júıeli túrde kómek berýimiz kerek. Grant kúıinde bolsyn, basqa formalarda bolsyn, jas talanttardy qoldaý baǵytynda jumys isteýimiz kerek", - dedi Senat tóraǵasy.

Bul maqala týraly ne oılaısyz?