Tiri bolsam, qazaqqa qyzmet etpeı qoımaımyn!

Álıhan Bókeıhan

Balalardy aıaýsyz urǵan balabaqsha tárbıeshilerine qandaı jaza qoldanylady?

16 mamyr 2024 286

Jaskent balabaqshasynda balalardy urǵan tárbıeshilerdiń vıdeosy jelide tarap ketken edi. Keıin polıseıler tekseris júrgizdi, dep habarlaıdy Alash.kx Qaz365.kz.silteme jasap

Tárbıeshiniń balalardy urǵanyn olardyń ata-analary anyqtaǵan. Sebebi balalary úıge jaraqat alyp kelgen. Ata-analar balabaqshadaǵy beınekameralardy qaraý barysynda tárbıeshilerdiń balalarǵa qol jumsaǵanyn kórgen. Ony kóregen keıbir ata-analar esinen tanyp qalǵan.

Alǵash bolyp ata-analardan A.Muhametqalı 2022 jyly týǵan qyzynyń soqqyǵa jyǵylǵanyn baıqaǵan. Ol 10 mamyrda qyzynyń betiniń oń jaǵynda qyzarý men saýsaq izderin baıqaǵan. Tárbıeshi balalar oıyn barysynda tóbelesip qalǵan dep túsindiredi.

14 mamyrda taǵy bir qyzdyń anasy G.Shaımerdenova da osyndaıdy baıqaıdy. Ol qyzynyń balabaqshadan kelgen soń oń jaq jambasynda qatty qyzarý jáne saýsaq izderi baryn anyqtaǵan. Birden dereý balabaqshaǵa baryp, beınejazbany qaraıdy. Vıdeodan tárbıeshiniń qyzyna jáne basqa da balalardy qalaı aıaýsyz uratynyn kórgen.

Sosyn vıdeony «Qulynshaq» degen chatqa jiberedi.

2024 jyldyń 15 mamyry kúni tańerteń, ıaǵnı 30-ǵa jýyq ata-ana vıdeony kórý úshin balabaqshaǵa baryp, «Qulynshaq» jáne «Bóbek» toptarynyń eki tárıbeshisi men eki kútýshisiniń zańsyz áreketterin anyqtaǵan.

Balabaqsha qyzmetkerleri jumystan bosatyldy. Sot-medısınalyq saraptama taǵaıyndaldy.

Qazirgi ýaqytta úsh ata-ana balalarynyń soqqyǵa jyǵylǵany týraly jazbasha aryz jazǵan.

 

 

Bul maqala týraly ne oılaısyz?