Tiri bolsam, qazaqqa qyzmet etpeı qoımaımyn!

Álıhan Bókeıhan

Áıelimniń elesi keledi: Maskadaǵy jigit jalǵyzbasty ákege úı syılady

20 maýsym 2024 2399

Qara betperde taqqan jigit jalǵyzbasty ákege páter men emge aqsha syılady, - dep habarlaıdy Alash.kz ulttyq portaly Massaget.kz saıtyna silteme jasap.

Ol egistikke Mergen degen kisini izdep barǵan.

Mergen — úsh balasy bar jalǵyzbasty áke. Onyń eki birdeı kózi nashar (-9) kóredi. Uly — úshinshi top múgedegi. Balalarymen páterdi jalǵa alyp turady.

"Jaqynda joldasym ómirden ozdy. İshinde 3,5 aılyq sábımen ketti. Ózim jaldamaly jumysshy bolyp isteımin. Qazir egistikte qyryqqabat teremiz. Eki kózim de — mınýs 9. Úlken balam da ıhtıoz degen aýrýmen aýyrady. Denesinde qara daqtary bar. Basymda baspana joq. "Vremánkada" turamyz. Onda gaz joq", - dedi ol.

Er adam kóz aldynan áıeliniń elesi áli kúnge deıin ketpegenin áńgimelep berdi.

"Áli keletindeı bolyp turady maǵan. Máńgilik júrekte qaldy ol kisi. Balalarym anasyn izdeıdi. Úıde otyrǵan kezde syrtqa shyǵyp ketemin, qorada jylaımyn. Ol sózdi estigen saıyn júregim aýyrady", - dedi ol.

Qara betperde taqqan jigit jalǵyzbasty ákege bir býma aqshany ustatty. Bul óziniń jáne balasynyń emine dep berilgen qarajat edi. Sonymen birge ol er adamǵa qalaǵan kásibin ashýǵa kómektesýge ýáde berip, úıdiń kiltin tabystady.

Egistik basynda mundaı tosynsyıdy kútpegen er adam solqyldap jylady.

 

Bul maqala týraly ne oılaısyz?