Tiri bolsam, qazaqqa qyzmet etpeı qoımaımyn!

Álıhan Bókeıhan

Aýzy nájiske toly: Qatigez ana 1,5 jastaǵy qyzyn úıde 10 kúnge jalǵyz tastap, ózi súıiktisimen shetelge ketken

06 maýsym 2024 836
AQSH-tyń Ogaıo shtatynda ornalasqan Klıvlend qalasynda bezbúırek ana 1,5 jastaǵy qyz balasyn 10 kúnge úıde jalǵyz tastap, demalýǵa ketken. Bul týraly Basty_juz ınstagram paraqshasy jarıalady.
 
Djeılınniń qatty jylaǵan daýsy kóbinese túngi 01:00 shamasynda estildi. Bala qansha anasyn shaqyrǵanymen eshkim kelmedi. Al onyń anasy 10 kúndik jazǵy demalysqa ketip, Djeılındi tósekte birneshe bótelke sútimen ǵana qaldyrǵan.

Kandelarıo kelgennen keıin 911 qutqarýshylaryna habarlasyp, qyzynyń ólip bara jatqanyn aıtady. Olar kelgenshe nájiske tolyp ketken jórgegin aýystyryp, taza kıim kıgizip qoıǵan. Biraq kıimin aýystyrý qyzdyń qandaı sumdyqty bastan keshirgenin jasyra almady.

Onyń ústine anasy aıtqan túsiniktemesinen shatasyp, ótirigi shyǵyp qala berdi. Keıin beınebaqylaý kameralarynan Kandelarıonyń 6 maýsym kúni chemodanyn súırep, úıden shyqqany, sosyn 16 maýsym kúni qaıtyp oralǵany belgili boldy.
Kandelarıo Pýerto-Rıkoǵa jigitimen demalýǵa ketken desedi. Sóıtip 10 kúnnen soń úıine qaıtyp, Djeılınniń denesin ǵana tapty. Sot patologoanaty onyń birneshe saǵattar emes, kúnder emes, tipti 1 aptaǵa deıin qınalǵan bolýy múmkin ekenin aıtty.

Qyz sharshap, kózderi tómen túsip, erinderi qurǵaǵan, aýzynda jáne tyrnaqtarynyń astynda nájis bolǵan. Tergeýshiniń aıtýynsha, onyń salmaǵy eki aı buryn dárigerge sońǵy barǵan kezdegiden jeti fýntqa (3,18 kg) az bolǵan.

Jýyqta bezbúırek shesheni sot ómir boıyna bas bostandyǵynan aıyrý jazasyna kesti. Al isti tergegen tergeýshiler mansabynda kórgen eń qatigez qylmys ekenin aıtty.

Aıta keteıik, Kandelarıonyń osyǵan deıin de balasyn 2 kúnge jalǵyz qaldyrǵany belgili boldy.20:04
Bul maqala týraly ne oılaısyz?