Tiri bolsam, qazaqqa qyzmet etpeı qoımaımyn!

Álıhan Bókeıhan

"Aýǵanstan áıelderdi taspen atýdy zańdastyrsa, qazaq-aýǵan qarym-qatynasy úzile me?"

01 sáýir 2024 300

Syrtqy ister mınıstrliginiń resmı ókili Aıbek Smadıarov búgin brıfıńte jýrnalıserdiń suraǵyna jaýap berdi. SİM ókiline qoıylǵan suraqtardyń ishinde "Eger Aýǵanstan úkimeti áıelderdi taspen atý týraly zańdy qabyldasa, Qazaqstan Aýǵanstanmen qarym-qatynasyn úze me, joq pa?" degen saýal boldy.

Jýrnalıser Aýǵanstanda áıelderdi er adamnyń kózine shóp salǵany úshin taspen atýdy zańdastyrýdy kózdep otyrǵanyn eske saldy. Tilshiler Aıbek Smadıarovtan "Qazaqstan "Talıban" qozǵalysyn tyıym salynǵan uıymdar tiziminen shyǵaryp, asyǵystyq tanytqan joq pa?" dep surady. Qazaqstan Syrtqy ister mınıstrliginiń ókili jýrnalıserden bul norma qabyldandy ma, álde qabyldaý kózdelip otyr ma dep naqtylaýdy ótindi. Jýrnalıser oǵan bul normany ázirge engizý kózdelip otyrǵanyn aıtty.

"Birinshi engizilsin, sodan keıin kórermiz. Ár eldiń óz erejeleri bar. Sizder ólim jazasy bar elderdiń tizimi baryn biletin shyǵarsyzdar, tipti darǵa asý jazasy qarastyrylǵandary bar jáne onda turǵan eshteńe joq, kúlli álem onymen (memleketpen – red.) jumys isteıdi", – dedi Aıbek Smadıarov jýrnalıser suraǵyna.

Smadıarovtyń aıtýynsha, Aýǵanstan óńirdegi óte mańyzdy el. "Sizge barlyq jaǵdaı málim, eger Qazaqstan Aýǵanstanǵa bet bursa, árıne, bizdiń aımaqta problemalar týyndaýy múmkin. Bul qozǵalys bılikke kelgen kúnnen bastap biz olarmen jumys istep, saýda-ekonomıkalyq qarym-qatynas ornattyq. Olardyń halyq sany óte kóp – shamamen 40 mıllıon, bul eldi tek qozǵalys retinde qabyldaýǵa bolmaıdy, ol jaqta qarapaıym aýǵan azamattary da bar. Bul bizdiń aımaqtyq kórshimiz jáne onymen jumys isteýimiz kerek", – dedi.

Bul maqala týraly ne oılaısyz?