Tiri bolsam, qazaqqa qyzmet etpeı qoımaımyn!

Álıhan Bókeıhan

"Atyraýda TJ rejımi jarıalanatyn bolady" - Qanat Bozymbaev

06 sáýir 2024 195
6 cáýir kúni Atyraýǵa jumys saparymen Qanat Bozymbaev bardy. Vıse-premer jedel shtabtyń otyrysyn ótkizip, qalada TJ rejımi jarıalanatynyn málimdedi, dep habarlaıdy Alash.KZ ulttyq portaly. 

Reseıdegi sý tasqyny, Atyraý oblysyndaǵy qyzyl sýǵa qarsy is-sharalar barysynda jáne Jaıyq ózenindegi sý bógetterin nyǵaıtýǵa baılanysty tótenshe tótenshe jaǵdaı jarıalandy. 

"Meniń oıymsha, biz birinshi kezekte Atyraý qalasynda TJ rejımin jarıalaıtyn bolamyz. Qulsary qalasynda qalaı jarıalandy, týra solaı Atyraýda da jarıalanady. Biraq adamdar sary ýaıymǵa salynbasyn. Búgin biz Jaıyq ózenindegi sý tasqynyna qarsy kúres josparyn jasaıtyn bolamyz. Sebebi qazir Reseı Federasıasynan kelip jatqan sý 3 myń tekshe metrdi quraıdy, al bolashaqta ol 4-4, 5 myńǵa jetýi múmkin. Osy jaǵynan alǵanda, bul sýdyń Atyraýǵa jetýine 20 shaqty kún bar. Sondyqtan biz barlyq bógetterdi nyǵaıtyp, qajetti arnalardy qazyp, sýdy Atyraýǵa jetpeıtindeı qam jasaýǵa daıyn bolýymyz kerek", - dedi Premer-mınıstrdiń orynbasary Bozymbaev.
Buǵan deıin Qanat Bozymbaev tikushaqpen Atyraý oblysyndaǵy sý basqan eldimekenderdi baqylap, áýeden sholyp shyqqan edi.
Bul maqala týraly ne oılaısyz?