Tiri bolsam, qazaqqa qyzmet etpeı qoımaımyn!

Álıhan Bókeıhan

Atyraý oblysynda 11 jyl boıy burynǵy áıelin azaptaǵany aıtylǵan ákim qyzmetten ketti

05 maýsym 2024 261
Atyraý oblysy, Maqat aýdanynyń ákimi Rınat Ibragımovtyń ústinen burynǵy áıeli shaǵymdanyp, 11 jyl boıy uryp-coqqanyn, zábir kórsetkenin habarlaǵan edi.  Mundaı aıyptaýlarǵa baılanysty ári áleýmettik jelide kóterilgen janjaldan keıin ákim qyzmetten ketti, dep habarlaıdy Alash.KZ ulttyq portaly. 
 
Rınat Ibragımov óziniń qyzmetten ketkenin BAQ ókilderine de málimdedi. 2024 jyly 5 maýsymda oblys ákimdigi de bul derekti rastady.
 "Iá, óz erkimen qyzmetinen ketti", dep málimdedi Atyraý oblysy ákimdiginiń baspasóz qyzmeti.

Esterińizge sala keteıik, 2024 jylǵy 17 mamyrda Qazaqstanda taǵy bir otbasyǵa janjal jaıy aıtyla bastady. El nazaryna áıelin azaptaǵan azamat retinde Atyraý oblysy Maqat aýdanynyń ákimi Rınat Ibragımov ilindi. Onyń burynǵy áıeli Aqmaral Úmbetqalıeva shaǵym aıtyp, sheneýniktiń ózin 11 jyl boıy uryp-soǵyp, azaptap kelgenin málimdegen edi.

Bul maqala týraly ne oılaısyz?