Tiri bolsam, qazaqqa qyzmet etpeı qoımaımyn!

Álıhan Bókeıhan

"Atyraý jurtynyń jankeshtiligin, qazaq halqynyń aýyzbirshiligin kórdim". Respublica partıasy da apatty aımaqta júr

16 sáýir 2024 376

Jalpy batysqa Almatydan 65 tonna (3 fýra) júk keldi. Qalaǵa sý shamamen 5-6 kúnde keledi degen boljam bar. Gýmantıralyq kómektiń ishinde 12 motorly qaıyq, 2 kıiz úı, 1500 adamǵa arnalǵan sý etik, 40 dana etik (belden keletin rezına etikter), 15 dana motopompa (sý soratyn qurylǵy), 100 dana sý ótkizbeıtin kýrtka, 12 myń qap, balalarǵa arnalǵan kıimder, 35 tonna buzylmaıtyn azyq-túlik, 10 tonna sý, tósek oryn, t/b zattar bar. Jalpy batysqa Almatydan 65 tonna (3 fýra) júk keldi.

Sondaı-aq, on kún buryn 1 júk kóligi Oralǵa jetkizilgen edi.

Respublica partıasynyń Almaty oblystyq fılıalyn basqaratyn jýrnalıs Jaras Nıazbek te birneshe kúnnen beri Atyraý óńirinde júr.

“Sý tasqyny bastalǵan kúnnen bastap zardap shekken halyqqa gýmanıtarlyq kómek uıymdastyrýdy bastap kettik. Basty maqsat: eń qajetti degen zattardy jınap, tezdetip jóneltý. Kómekke umtylǵan jerlester kóp boldy. Almaty qalasynda úlken qoıma daıarlap, júkterdi sonda jınadyq. Al qazir Atyraýǵa kelgen gýmanıtarlyq kómektiń bir bóligin qalalyq úlken qoımaǵa ótkizdik. Bir bóligin sý basyp jatqan Oral qalasyna jiberdik. Endi Qulsary óńirine zattardy daıyndap jatyrmyz". 

Al taǵy bir áriptesimiz Rıshat Asqarbekuly Respublica-nyń Jetisý oblysyn basqarady.
“Bir jamandyqtyń artynda mindetti túrde bir jaqsylyqtyń bolatyny haq. Batys óńirde júrgenimizge 6 kún boldy. Oral qalasyndaǵy jaǵdaıdy óz kózimizben kórip, halyqqa eń qajetti zattar tizimin alyp, Almatydaǵy jınaq pýnktine jiberdik. Ol jerge buǵan deıin kásipkerler kómegimen 1 fýra gýmanıtarlyq júk jetkizilgen edi. Al Atyraýǵa ótken jumada shyqqan 2 júk kóligi búgin jetti. Bizdiń mindetimiz osy jaýapty jumysty úılestirý. Mundaǵy maqsat - daıyndyq jumystaryna kómektesý jáne keletin sýdyń aldyn alýǵa atsalysý. Óz basym Atyraý jurtynyń jankeshtiligin jáne qazaq halqynyń aýyzbirshiligin kórdim. Bárimizge Alla jar bolsyn!”,- deıdi Rıshat Asqarbekuly.

Al almatylyq kásipkerlerdiń basyn qosyp, zardap shekken aımaqtarǵa kómekti belsendi túrde uıymdastyrǵannyń biri - Suńǵat Raıymbek. Ol partıanyń Almaty qalalyq fılıalyn basqarady.
“Kómek jınap bastaǵanda azamattar birden qol ushyn sozdy. Qoıma da tabyla ketti, eriktiler de jınala qaldy, tipti, júkti jetkizetin kólik te daıyn boldy. Aldaǵy synaq Jaıyq jurtyna jeńil bolsyn. Biz sizdermen birgemiz” - deıdi Suńǵat Raıymbek.

Partıa ókilderi gýmanıtarlyq zat jınaýǵa atsalysqan Respublica partıasynyń músheleri, Almaty máslıhatyndaǵy partıa depýtattary (Jalyn Jaınarbek, Ákim Tursyn, Qaırat Begalın, Saltanat Serikova, Rýslan Idrısov), Damu Business Group táýelsiz kásipkerler keńesi, Partıanyń Almaty aglomerasıasy, jýrnalıs Ámirbolat Qusaıynulyna jáne Talǵar aýdany belsendilerine alǵys bildirdi.

Bul maqala týraly ne oılaısyz?