Tiri bolsam, qazaqqa qyzmet etpeı qoımaımyn!

Álıhan Bókeıhan

"Atamekenge" Qulybaevtyń ornyna Batalov keldi

17 aqpan 2022 147
"Atameken" ulttyq kásipkerler palatasy prezıdıýmynyń músheleri 18 aqpanda ótetin palata sezi qarsańynda tóraǵa mindetin Raıymbek Batalovqa júktegen. Bul jóninde atalǵan uıym resmı saıtynda habarlady.



Palatanyń kezekten tys sezi 18 aqpanda ótedi. Onda "ulttyq palatany basqarý, palata jumysyn reformalaý, kásipkerlikti damytý" jáne taǵy basqa máseleler qaralady.

Qańtar ortasynda elde eks-prezıdenttiń yqpaly azaıǵany týraly boljamdar tarap, onyń aınalasyndaǵy adamdardyń qyzmetten ketkeni jóninde aqparat jıilegen shaqta Nazarbaevtyń kúıeýbalasy Tımýr Qulybaev "Atameken" ulttyq kásipkerler palatasy tóraǵasy qyzmetinen ketken. Onyń qaıda ekeni belgisiz. 55 jastaǵy Tımýr Qulybaevtyń odan bólek ózge de qyzmetteri bar. Ol – KAZENERGY munaı-gaz jáne energetıka kesheni uıymdary qaýymdastyǵynyń jetekshisi, Qazaqstan ulttyq olımpıada komıtetin, Qazaqstan boks federasıasyn basqarady.

Tımýr men Dınara Qulybaevtar Qazaqstannyń eń baı adamdary qatarynda. Forbes jýrnaly árqaısysynyń baılyǵyn 2,9 mıllıard dollarǵa baǵalaǵan.


Bul maqala týraly ne oılaısyz?