Tiri bolsam, qazaqqa qyzmet etpeı qoımaımyn!

Álıhan Bókeıhan

"Astanaǵa ana tilinde sóılemeıtin óńsheń arsyz, namyssyz qazaqtar jınalǵan" - depýtat Abzal Quspan

19 mamyr 2024 909

QR Májilis depýtaty, zańger Abzal Quspan Astanadaǵy qazaq azamattarynyń óz tiline degen qurmetsizdigi men selqostyǵyn aıyptady. Olardy "arsyz, namyssyz qazaqtarǵa" balap, ashyq ta batyl ustanymyn bildirdi, dep habarlaıdy Alash.KZ ulttyq portaly.

Depýtat Astana saıabaqtarynyń birinde demalyp júrgen sátinen vıdeo joldady. Beınekadrlarda qazaq azamattarynyń, aǵa býyn, orta jastaǵy otbasyly azamattardyń, tipti balalardyń qazaq tilinde sóılemeıtinin aıyptaıdy. Ulttyq tárbıe men tálimnen jurdaı bolǵan qazaqtardy aıyptaıdy.  

Astanaǵa óńsheń namyssyz, arsyz qazaqtar jınalady bilem, dál Astanadaǵydaı óz tilinen bezgen óresiz ata-analardy esh jerden kórip, esh jerden kezdestirmeppin!

Avtordyń vıdeosy qyzý talqyǵa túsip, kóptegen jeli qoldanýshylarynyń ashý-yzasyn týdyrdy. Qoldanýshylar mundaı qubylysty "máńgúrttikke" balap, til saıasatynyń durys júrgizilmeı otyrǵanyn, týǵan tildi talap etýge kelgendegi zańnyń solqyldaqtyǵyn jazǵyrýda.  

Bul maqala týraly ne oılaısyz?