Tiri bolsam, qazaqqa qyzmet etpeı qoımaımyn!

Álıhan Bókeıhan

Astanada 800-den astam mopedshi jaýapkershilikke tartyldy - Astana İİD

26 mamyr 2024 367

Elordada 800-den astam moped júrgizýshileri jaýapkershilikke tartyldy, dep habarlaıdy Alash.kz saıty Astana qalalyq İİD baspasóz qyzmetine siltep.

«Qoǵamdyq tártip pen jol qaýipsizdigin saqtaýdyń aldyn alý jáne jolyn kesý maqsatynda elordalyq polıseıler motosıkl júrgizýshileriniń jol qozǵalysy erejelerin buzý faktilerin anyqtaý boıynsha turaqty jumys júrgizedi. Esterińizge sala keteıik, bıylǵy jyldyń basynan beri jol erejesin buzǵan 833 júrgizýshi jaýapkershilikke tartyldy», - delingen senbi kúni taraǵan habarlamada.

Aqparatqa sáıkes, jaz mezgili bastalysymen elorda joldarynda moped tizgindegen júrgizýshiler Qazaqstan Respýblıkasynyń jol qozǵalysy erejelerin jıi buzady dep dazdy "Adyrna".

Osyǵan oraı, Astana qalalyq departamentiniń polıseıleri moped júrgizýshileriniń zańbuzýshylyqtarynyń jolyn kesýge baǵyttalǵan reıdtik sharalardy júıeli túrde ótkizip turady.

«Sonymen, júrgizilgen reıdtik is-sharalar barysynda avtopatrýldik polısıa qyzmetkerleri táýlik ishinde 43 júrgizýshini ustady, olardyń tórteýi kámeletke tolmaǵandar. Jol qozǵalysy erejesin buzǵany úshin 39 júrgizýshi men kámeletke tolmaǵandardyń tórt zańdy ókili ákimshilik jaýapkershilikke tartyldy», - delingen habarlamada.

Bul maqala týraly ne oılaısyz?