Tiri bolsam, qazaqqa qyzmet etpeı qoımaımyn!

Álıhan Bókeıhan

Astana Asaıynnan qutylǵysy keledi. Pavlodar ákimi ne búldirip qoıdy?

16 qańtar 2024 56
Astanada Pavlodar oblysynyń ákimi Asaıyn Baıhanovtyń máselesin "retteý" boıynsha Úkimet pen Aqorda arasynda jabyq pikir almasýlar kezeńi bastaldy. Bul týraly alash.kz saıty DALA INSIDE arnasyna silteme bere otyryp habarlaıdy.

Asaıyn Qýandyqulynyń jeke basyna, tazalyǵy men adaldyǵyna suraq joq. Onyń sheshimderinde jemqorlyq faktileri baıqalmaǵan.

Áńgime basqada. Pavlodar óndiristik, tehnogendik problemalary bastan asatyn alyp óńir. Bul jaqta barlyq máseleni sheship, apattardy boldyrmaı otyrý úshin bıznesmenderdi bosańsytpaıtyn, bárin judyryǵynda ustap otyratyn avtorıtet, saıası "tájeloves" kerek. Sońǵy ret Qanat Bozymbaev sondaı fıgýra bolǵan. Bozymbaev ketkeli Pavlodarǵa tájelovester tabylmaı júr.

Bozymbaev kezinde Pavlodarda alyp zaýyttary bar Mashkevıchterdi bir qońyraýmen jınap, ózderine artylǵan jaýapkershilik salmaǵyn sezindiretin. Asaıyn Baıhanov oblysqa 2022 jyldyń aıaǵynda keldi. Biraq Pavlodardyń jer asty baılyǵyn soryp jatqan olıgarh kásipkerler Baıhanov bar ma, joq pa, múlde elemeıdi jáne bilgenin jasaı bastady.

Mysaly, ishinde adam toly avtobýs qulap ketken Maıqaıyndaǵy rýdnıkke ıe kompanıa Kıprdegi ofshorda, Serbıa azamatyna tirkelgen. Naqty qojaıyny kim? Altyn qazatyn rýdnıkte esh qaýipsizdik erejeleri saqtalmaǵan. Olar qazǵan qýystaryna sement quıýy kerek edi. Ákimdik ózimen-ózi otyra bergen soń, ákim talap etpegennen keıin olıgarhtar da artyq shyǵyn shyǵarmaı, barynsha paıda soryp, qaýipsizdikti tárk etýge úırenip alǵan.

"Maıqaıyn altyn" rýdnıkteri sıaqty apattar Pavlodar oblysynyń basqa da óndiristik oshaqtarynda bolýy múmkin. Sol sebepti, bul jaqqa sózi ótetin, sharýaqor, saıası salmaǵy bar kandıdat izdestirile bastady.

Asaıyn Baıhanovtyń aýyl sharýashylyǵy salasynda biliktiligi myqty. Sondyqtan ony óńirdiń aýyl sharýashylyǵy salasyn damytý boıynsha paıdalaný ıdeıalary da aıtyldy. Oǵan Asaıyn Qýandyquly kelise me? Ol jaǵy belgisiz.

Óńirlerdegi aýys-túıisterdiń alǵashqysy osy Pavlodardan bastalady degen boljam bar. Ony da kóre jatarmyz.
Bul maqala týraly ne oılaısyz?