Tiri bolsam, qazaqqa qyzmet etpeı qoımaımyn!

Álıhan Bókeıhan

«Aryzdar legi toqtar emes»: Depýtat «Nazarbaev dáýiriniń» ókili bolǵan Danıal Ahmetovtiń Semeı men Óskemenge tıgizgen zardabyn aıtyp, bylyqtaryn ashty

05 maýsym 2024 698

Depýtat Abzal Quspan "Eski Qazaqstannyń eskirmeıtin jyry" jaıly baıandap, burynǵy Shyǵys Qazaqstan oblysynyń ákimi bolǵan Danıal Ahmetovtiń kúmándi, qarjy ıgerýdegi orynsyz áreketin aıtyp, synǵa aldy. Sonymen qatar, qazaqstandyqtar tarapynan Danıal Ahmetovtiń atyna udaıy aryz túsetinin málimdep, tıisti qujattardy quqyq qorǵaý organdaryna óz taldaýymmen qosa joldaıtyn habarlady, dep jazdy Alash.KZ ulttyq portaly. 

Bir kezderi jalǵandy jalpaǵynan basyp, Elbasynyń senimdi adamy atanǵandardyń jyry áli talaı jylǵa azyq bolatyn túri bar. Sonyń biri, joq biregeıi – Danıal Ahmetovke qatysty aryzdar legi toqtar emes. Sol kóp shaǵym ishinen bireýine ǵana toqtalaıyn, Danıal Ahmetov ákim bop turǵan kezde Óskemen jáne Semeı qalasy kóshelerin jaryqtandyrýǵa dep EBRR (Evropa qaıta qurý jáne damý banki) arqyly 3, 6 mlrd, oǵan qosymsha búdjet tarapynan 1, 2 mlrd, barlyǵy 4, 8 mlrd bólingen eken. Bul jobany DA tarapynan jeke lobbı jasalǵanyna dálel retinde, onyń ákim bop turǵanda EBRR-dyń Londondaǵy ofısine kelissóz júrgizýge ózi barǵanyn aıtady shaǵym ıeleri. Biraq másele onda da emes, másele sol mıllıardtaǵan qarajatqa qoıdyrǵan shamdardyń basym bóliginiń janyp ketkendiginde jáne kepil ýaqyty ishinde aýystyrylmaýynda. Nátıjesinde, Óskemen men Semeıde kóshe jaryǵy joq, alaıda ol jaǵdaı eki oblystyń búdjetin EBRR aldyndaǵy qaryz mindettemelerinen bosatpaıdy,- dedi depýtat.

Sonymen qatar, Abzal Quspan óz qolynat túsken qujattarmen tanystyrdy. Kúmándi kelisimge qatysqan SHQO ákimdigi ashqan «Regıonalnyı sentr GCHP VKO» AQ,jáne Taıvanda tirkelgen «Everlight Electronics Co. LTD» kompanıalaryn atady.


Urshyqta aınalǵan jipti shetinen tarqatatyny sıaqty, tekserýdi ákimdik janynan qurylǵan mekemeden bastasa biraz dúnıeniń basy ashylary anyq. Osyǵan baılanysty, Shyǵys Qazaqstandyq aǵaıyndardan túsken aryz ben ózim tarapynan qosymsha suratyp alynǵan qujattardy, tıisti quqyq qorǵaý organdaryna óz taldaýymmen qosa joldaıtyn bolamyn, - dedi depýtat. 

Oraıy kelgende aıta keteıik, Danıal Ahmetov Shyǵys Qazaqstan oblysyn 9 jylǵa jýyq basqardy. Elimizdegi birneshe oblysqa 4 ret ákim boldy. 

Bul maqala týraly ne oılaısyz?