Tiri bolsam, qazaqqa qyzmet etpeı qoımaımyn!

Álıhan Bókeıhan

Arabıadan kelgen Sheıh Osman Toqaǵa qaraı tura umtylǵan qaýymnyń qylyǵy kópshiliktiń synyna ushyrady

25 mamyr 2024 1488

Shymkent qalasyndaǵy Seıitjan qarı Esjanuly atyndaǵy úlken meshittiń ashylý saltanatyna áıgili kallıgraf Sheıh Osman Toqanyń kelgeni áleýmettik jeli arqyly dúıim jurtqa belgili boldy. Saýd Arabıasynda turatyn 90 jastan asqan kallıgraftyń qolyn súıýge japatarmaǵaı asyqqan qaýymnyń qylyǵyn kópshilik synǵa aldy, dep jazdy Alash.KZ ulttyq portaly. 

Quran kitabyn úsh jyl boıy qolmen jazyp shyqqan Sheıh Osman Toqa Shymkent qalasyna kelgeni týraly beınejazba aqparattyq keńistikte tarady. BAQ habarlaýynsha, ony áýejaıdan arnaıy belgili bıznesmen Serikjan Seıtjanov kútip alǵan.

Sheıh Osman Toqa 24 mamyr kúni Seıitjan qarı Esjanuly rýhanı ortalyǵynyń resmı ashylý saltanatyna qatysqan kezde jurt japyryla oǵan umtylǵan. Beınejazbalardan halyqtyń biriniń ústine biri minbelep, qarıaǵa qaraı umtylyp jatqanyn bajaılaýǵa bolady.

Buǵan qatysty qoǵam belsendisi Rústem Esimhanuly pikir bildirdi: 

Myna adamdardyń eshqaısysy jyrtyq kıimmen júrgen joq. Iaǵnı, sińiri shyqqan kedeı emes... Demek adamnyń mádenıetti bolýy - onyń materıaldyq jaǵdaıyna múldem qatysy joq dúnıe, - dep pikir bildirdi. 

Sheıh Osman Toqa musylmandar úshin qasıetti sanalatyn Quran kitabyn jáne onyń birneshe tildegi aýdarmasyn qolmen jazyp shyqqan. Quran kombınatynda qasıetti kitapty 70 tilge aýdarǵan. Ol ózin qazaq sanaıtynyn, ultynyń qazaq ekenin aıtqan: 

«Senderdi kórgende babamdy kórgendeı boldym. Meniń babamnyń túrleri senderden aýmaıtyn kisi bolatyn. Bizdiń ata-babalarymyz Iassaýıdan 150 jyl aldyn kóship ketken».

Bul maqala týraly ne oılaısyz?