Tiri bolsam, qazaqqa qyzmet etpeı qoımaımyn!

Álıhan Bókeıhan

Aqtaýda mektep kúzetshisiniń oqýshyǵa tıisip, ony zorlaýǵa árekettengeni habarlandy

15 mamyr 2024 469

Aqtaýda kúzetshiniń mektep oqýshysyn zorlamaq bolǵany habarlandy. Qaladaǵy №10 mektep oqýshylarynyń ata-analary kúzetshini balaǵa tıisip, zorlamaqshy boldy dep aıyptady, dep habarlaıdy Alash.KZ ulttyq portaly lada.kz-ke silteme kórsete otyryp.

Jelide taraǵan aýdıohabarlamada demalys kúnderi №10 mekteptiń aýlasynda kámeletke tolmaǵan qyzdardyń oınap júrgeni aıtylǵan. Olardyń birin oqý ornynyń kúzetshisi kireberiske shaqyryp alǵan. Sodan keıin ol qyzdy kúzet ústeliniń artyna aparyp, oǵan tıise bastaǵan. Bala qashyp qutylǵan.

Zardap shekken qyzdyń anasy polısıaǵa aryz jazǵany belgili boldy.

Bul faktini mekteptiń ózi rastap, oqıǵa jeksenbi, 12 mamyr kúni bolǵanyn habarlady. Kúzetshi dereý qamaýǵa alyndy. Kúzet agenttigine qarsy is qozǵaldy.

Oblystyq polısıa departamenti kúdiktiniń ustalyp, ýaqytsha ustaý ızolátoryna jetkizilgenin habarlady.

Atalmysh fakti boıynsha qylmystyq is qozǵaldy.

Bul maqala týraly ne oılaısyz?