Tiri bolsam, qazaqqa qyzmet etpeı qoımaımyn!

Álıhan Bókeıhan

AQSH Reseı men Belarýstiń 120 uıymyna eksporttyq sanksıa salady

02 sáýir 2022 77
AQSH saýda mınıstrligi Reseıdiń Ýkraınaǵa basqynshylyǵyna baılanysty Reseı men Belarýstiń 120 uıymyna eksporttyq sanksıa salady. Qujat AQSH federaldyq tirkeý saıtynda jarıalandy.



Tizimge qorǵanys, aeroǵarysh jáne teńiz salasymen baılanysty uıymdar engen. Arasynda fızıka-optıka ólshemderi jónindegi Jalpyreseılik ǵylymı zertteý ınstıtýty, Moselektronproekt, "Zvezda" keme qurastyratyn zaýyty, Jýkovskıı atyndaǵy aerogıdrodınamıka ınstıtýty jáne ózge mekemeler bar.

Tizimge sonymen birge Belarýs memlekettik qaýipsizdik komıtetiniń "Álfa" bólimshesi, Belarýs İİM ishki áskeri jáne Gomel oblystyq atqarý komıtetiniń ishki ister basqarmasy da kirgen.

Qujatta bul uıymdar "AQSH ulttyq qaýipsizdigi nemese syrtqy saıasatynyń múddesine qaıshy áreket etken" dep kórsetilgen.

Buǵan deıin Amerıka bıligi tizimge engen uıymdar AQSH-tyń joǵary tehnologıasyna lısenzıasyz qol jetkize almaıtyndyǵyn aıtqan. Al olardyń lısenzıa alý boıynsha ótinishteri kóp jaǵdaıda maquldanbaıdy.



Derekkóz
Bul maqala týraly ne oılaısyz?