Tiri bolsam, qazaqqa qyzmet etpeı qoımaımyn!

Álıhan Bókeıhan

AQSH astanasyndaǵy qazaq balabaqshacy

03 maýsym 2024 391

Balalar merekesi qarsańynda AQSH astanasy Vashıngtonda qazaq balabaqshasy ashyldy. Bul – búldirshinderdi qazaq tilinde tárbıeleıtin osy aımaqtaǵy jalǵyz ortalyq. Bul kúnde balalarynyń tili ana tilinde shyqqanyn qalaıtyn qazaq otbasylary kóbeıgen. Bul balabaqshada tárbıe túrleri tól mádenıetimizge negizdelgen. Búldirshinderge halqymyzdyń salt-dástúri úıretiledi. Balalar halqymyzdyń ónerimen jaqyn tanysyp, ulttyq taǵamdarymyzdy jasap, dámin tatyp otyrady dep jazady Alash.kz.

20 jyldan beri Amerıkada turyp jatqan 3 balanyń anasy Madına kenje qyzyn balabaqshaǵa alǵashqylardyń biri bolyp ákelgen. Ol: "Ókinishke qaraı, bizdiń 2 balamyz aǵylshyn balabaqshaǵa bardy. Ol kezde qazaq balabaqsha bolmady. Endi ashyldy. Endi balamyz ana tilin úırenedi, qazaqtarmen oınaıdy. Qýanyshtymyz" dep kóńilin kúıin jasyra almady.

Ásel Kúzeýhan shetelde týǵan balalary qazaq tilinde tárbıe alsa dep armandaǵan. Biraq ondaı ortalyq tappaǵan soń ıgi isti ózi qolǵa alady. Sóıtip qazaq balabaqshasyn ashyp, búldirshinderge ulttyq tárbıe berýge kirisedi. Qazir kishkentaılaryn osy tárbıe ordasyna bergisi keletin ata-ana kóp, – dep jazdy 24.kz saıty.

Ol: "Bizdiń myna turyp jatqan jerimizdi qarasańyz, shaǵyn Qazaqstan deýge de bolady. Sońǵy ýaqytta Amerıkaǵa kelip ómir súretin qazaqtar óte kóp. Bizdiń aınalamyzdyń ózinde 30-40 otbasy turamyz. Solardyń óziniń kóbi balalaryn qazaq balabaqshasyna bergisi keledi" dep túsindirdi.

AQSH-ta mektepke deıingi balalardy tárbıeleý ortalyqtarynyń aı saıynǵy tólemi óte qymbat, shamamen 2000 dollar bolady. Onyń ústine, kóbinde ystyq tamaq berilmeıdi. Al qazaq balabaqshasynyń quny edáýir arzan ári ulttyq mázirge negizdelgen úsh mezgil tamaǵy bar.  Ásel Kúzeýhan bolashaqta dombyra men bı úıirmesin ashyp, balabaqshany úlken qazaqy ortalyqqa aınaldyrýdy kózdep otyr.

 

Bul maqala týraly ne oılaısyz?