Tiri bolsam, qazaqqa qyzmet etpeı qoımaımyn!

Álıhan Bókeıhan

Aqsaqal aǵa, azamat ini, otbasy arazdyq-daýdy qoı, birik, jurt qyzmetine kiris! Alashtyń basyn qorǵaýǵa qam qyl!

15 sáýir 2024 332

Qudaıdan sońǵy kúshti - turmys isi. Men Jalpy Sibir sıeziniń bul esebin jazǵansha saıasat isi neshe belden asyp kóshti.

Bizdiń orys Eýropa soǵysynan shyǵyp qaldy. Ýaqytsha úkimet abaqtyda. Naızanyń ushymenen, aıbaltanyń júzimenen bolǵan ókimetti Rossıa jurty ókimet demeı tur. Fınlándıa, Ýkraına, Kavkaz, támám qazaq jan saýǵalap,"bul páleden aýlaq bolamyz" dep bólinip ketti.

Ýshredıtelnoe sobranıe jaqyn arada bolatyn emes. Rossıa memleketiniń hali nashar. Soǵystan shyqtyq, "ýaǵdany buzdyń" dep Anglıa, Fransıa, Amerıka, Japon, Italıa bizge soǵys ashsa - ǵajap emes. Bulaı bolsa, bizdiń Rossıa memleketi joǵalýy múmkin. Biz qarap otyrsaq, qosaq arasynda bos ketemiz. Qazaq jurty bolyp bas qamyn qylmasaq, bolatyn emes.

Esik aldynan daýyl, úı artynan jaý keldi. Alashtyń balasy,"Aqtaban shubyryndy, Alqakól sulamadan" soń 200 jylda basyna bir qıyn is keldi.

Aqsaqal aǵa, azamat ini, otbasy arazdyq-daýdy qoı; birik, jurt qyzmetine kiris! Alashtyń basyn qorǵaýǵa qam qyl!

Qyr balasy.

"Saryarqa" gazeti, №24, 12 jeltoqsan, 1917 jyl.

Alash (Semeı) qalasy

Derekkóz: Bókeıhan Á. Shyǵarmalary. X tom.-Astana, 2018

Alash.kz ulttyq portaly

Bul maqala týraly ne oılaısyz?