Tiri bolsam, qazaqqa qyzmet etpeı qoımaımyn!

Álıhan Bókeıhan

Aqmola oblysynda janar-jaǵarmaı saqtalǵan qoıma órtendi

22 sáýir 2024 315

Aqmola oblysynyń Stepnogor qalasynyń Zavodskaıa kentinde qoıma órtendi. Órtten qoımadaǵy 1200 lıtr maı jáne 3 jeńil avtokólik janyp ketti.

Aqmola oblysy TJD baspasóz qyzmetiniń málimetinshe, órt búgin saǵat 15:14-te Zavodskaıa kentindegi «Santık» JSHS-niń aýlasynda turǵan qoımadan shyqqan.

«Tilsiz jaýmen kúreske TJD jeke quramynan 10 adam jáne 2 arnaıy órt sóndirý tehnıkasy, memlekettik emes órtke qarsy qyzmetten 24 adam jáne 6 tehnıka jumyldyryldy. Qyzyl jalyn 500 sharshy metr aýmaqty sharpydy. Qaza bolǵandar men zardap shekkender joq. Órttiń saldarynan 600 lıtr paıdalanylǵan maı men 600 lıtr taza motor maıy jáne 3 jeńil avtokólik janyp ketti. Saǵat 16:52-de órt oqshaýlandy. Qazirgi kezde ony sóndirý jumystary jalǵasýda. Sonymen birge, órttiń shyǵý sebebi de anyqtalyp jatyr», - dedi vedomstvodan.

Aıta ketsek, budan buryn Aqmola oblysynyń orman órti qaýpi bar maýsymǵa daıyn emestigi týraly aıtylǵan bolatyn.

Bul maqala týraly ne oılaısyz?