Tiri bolsam, qazaqqa qyzmet etpeı qoımaımyn!

Álıhan Bókeıhan

Aqyldy adamdar toıǵa barmaıdy: Omar Jáleluly qazaqtyń toıyn synady

21 mamyr 2024 1202

Abaıtanýshy Omar Jáleluly Qazaqstandaǵy toı jasaý dástúrin synǵa aldy.Bul týraly ǵalym Qazaq Airan arnasyna bergen suhbatynda aıtty.

“Qytaılarda toı jasaý sekildi ádet joq, ómir boıy jumys isteıdi. Qazaqtar sekildi kez kelgen qýanyshqa arnap jasaıtyn toılar Túrkıada da joq. Bul qazaqtardyń halyq retinde bos ýaqyty kóp, óz isi men kásibi joqtyǵyn ańǵartady. Jeke kásippen aınalysatyn qazaqtar asta-tók toılardan bas tartyp jatady. Al Qazaqstan jaǵdaıynda kásibi joq, turaqty jumysy joq adam ózin jubatý úshin toı jasaı beredi” – deıdi Omar Jáleluly. 

Omar Jáleluly kórshiles Ózbekstandy da mysalǵa aldy.

“Ózbekstanda toıdy tańerteń erte ótkizý ádetke aınalǵan, adamdar ýaqytty bosqa ótkizbeı, odan keıin josparly isterin sheshýge úlgerýi úshin. Mine, naǵyz isker ulttyń mysaly”, – deıdi ǵalym.

Ǵalym Qazaqstanda aptanyń jeti kúninde de óte beretin toılardy synǵa alyp, aqyldy adamdardyń toıǵa barmaıtynyn aıtty. 

“Qazaqstanda aqyldy adamdar toıǵa barmaıdy. Máselen, qazaqtyń kórnekti ǵalymy, akademık Qanysh Sátpaev óz zamanynda toıǵa barmaǵan. Óıtkeni ǵylymı turǵydan alǵanda, bári aıqyn: bul ýaqytty ysyrap etý. Toı rejımdi buzyp, ǵylymı qyzmetke zıanyn tıgizedi”, – deıdi Omar Jáleluly. 

Bul maqala týraly ne oılaısyz?