Tiri bolsam, qazaqqa qyzmet etpeı qoımaımyn!

Álıhan Bókeıhan

Ánurannan Nazarbaevtyń atyn alyp tastaý kerek - Aıdyn Rysbekuly

04 maýsym 2024 332

Búgin Memlekettik rámizder kúni. Geraldıst Aıdyn Rysbekuly "Halyq únine" bergen suqbatynda Ánurandy ózgertý, memlekettik týdyń mártebesi, Eltańba men óńirlik nyshandar týraly aıtqan.

Aıdyn Rysbekuly Ánuran avtorlarynyń biri Qazaqstannyń burynǵy prezıdenti Nursultan Nazarbaevtyń atyn alyp tastaý qajet ekenin aıtty dep habarlaıdy Alash.kz.

«Ánuran degenge qarsymyn. Ánniń urany bolmaıdy, eldiń urany bolady. Ánniń qalaı jazylǵany, qandaı maqsatta jazylǵany qazir aıtylyp jatyr. Mýzyka mamandarynyń aıtýyna qaraǵanda, bul marsh áýeninde jazylǵan. Eluran adamdy jigerlendiretin, eline degen patrıottyq sezimin oıatatyn ýytty, energetıkalyq órisi óte joǵary, adam tyńdaǵan kezde adam ózi qanattanyp, kózi janyp, eline-jerine degen sezim atoılap shyǵýy kerek. Qazirge Ánuranda bul jeńil, burynǵy Ánurandy kásibı kompozıtor jazǵan. Ol Ánurannyń mátini óte jaqsy. Ol Ánuran sovettik stılde jazylǵan», - deıdi Aıdyn Rysbekuly.

Maman eski Ánurandy qaıtarýdyń qajeti joq ekenin aıtady.

Sondaı-aq Aıdyn Rysbekuly Ánuran avtorlyǵynan Qazaqstannyń burynǵy prezıdenti Nursultan Nazarbaevtyń atyn alyp tastaý qajet dep sanaıdy.

Mindetti túrde alynýy kerek. Ol kisi qosalqy avtor bolyp tirkeldi. Negizgi avtorlary qaıtys bolyp ketti, - deıdi Rysbekuly.

Maman Eltańbany aýystyrý qajet dep sanaıdy.

«Eltańbadaǵy 41 element bar. 41 elementti Eltańbanyń avtory biledi. Odan keıin dáris oqyp júrgen lektorlar biledi. Geraldıka qaǵıdasy boıynsha Eltańbada qaı memlekettiki ekeni jazylmaýy kerek. Eltańbanyń sıpaty sóılep turýy kerek. Qaraǵan kezde qaı memleketke tıesili ekeni kórinip turýy kerek. Detal meılinshe halyqqa, mektep oqýshylaryna este saqtalatyndaı jeńil bolýy kerek. 41 element degen óte kóp», - deıdi Rysbekuly.

Bul maqala týraly ne oılaısyz?