Tiri bolsam, qazaqqa qyzmet etpeı qoımaımyn!

Álıhan Bókeıhan

Almatydan 250 shaqyrymda 4,9 baldyq jer silkinisi boldy

24 qańtar 2024 38
Almaty oblysynda jer silkinisinen keıin 19 nysanǵa zaqym kelgen. Bul týraly Tótenshe jaǵdaılar mınıstrliginiń baspasóz qyzmeti habarlady.

Qazir mınıstr Syrym Sháriphanovtyń tóraǵalyǵymen respýblıkalyq jedel shtabtyń jumysy jalǵasyp jatyr. Resmı aqparat boıynsha, jedel shtabtarda uıymdastyrylǵan jedel jelige azamattardan 800-den astam qońyraý túsken.

«Seısmologıalyq baqylaýlar men zertteýlerdiń ulttyq ǵylymı ortalyǵy» JSHS seısmıkalyq jaǵdaıdy baǵalaýyna sáıkes, jaqyn arada Almatynyń boljamdyq polıgonynyń aýmaǵynda MSK-64K seısmıkalyq shkalasy boıynsha 7 baldan asatyn jer silkinisi bolmaıdy.

Al Almaty oblysynyń aýmaǵynda áleýmettik mańyzy bar nysandardy kózben sholyp tekserý nátıjesinde 19 nysanǵa zaqym kelgeni anyqtalǵan.

ALMATYDAǴY JER SİLKİNİSİ

Almatyda 2024 jyldyń 22 qańtarynan 23 qańtaryna qaraǵan túni 5 baldyq jer silkinisi tirkeldi. Jer silkinisiniń oshaǵy Almatydan ońtústik-shyǵysqa qaraı 264 shaqyrym jerde Qazaqstan men Qyrǵyzstan shekarasynda ornalasqan.

Araǵa birneshe saǵat salyp, jer silkinisi qaıtalandy. Bul joly almatylyqtar 2-3 baldyq jer silkinisin sezdi.

Úshinshi dúmpý tańǵy 5 shamasynda tirkeldi, bul joly da 2-3 baldyq jer silkinisi bolǵan.

Bastapqyda jer silkinisi saldarynan 8 adamnyń jaraqat alǵany aıtyldy. Alaıda Almaty qalasy tótenshe jaǵdaılar departamenti 44 adamnyń medısınalyq kómekke júgingenin, ishinde 35 adamnyń úıine jiberilgenin málimdedi.

Almatylyq mamandar jaqyn arada qalada joıqyn jer silkinisi bolmaıtynyn aıtady. Sondaı-aq olar jer silkinisi kezinde qalada sırena qosýǵa qajettilik bolmaǵanyna senimdi. Sebebi sırena jer silkinisi 5,5 baldan joǵary bolǵan kezde iske qosylady.

Dúmpý 24 qańtarda da jalǵasty. Saǵat 07:35-te Almatydan ońtústik-shyǵysqa qaraı 250 shaqyrymda Qyrǵyzstan aýmaǵynda magnıtýdasy 4.9 jer silkinisi boldy.
Bul maqala týraly ne oılaısyz?