Tiri bolsam, qazaqqa qyzmet etpeı qoımaımyn!

Álıhan Bókeıhan

Almatydaǵy saılaý úrdisin qoǵamdyq uıymdardyń belsendileri baqylaıdy

18 qazan 2022 55
Qoǵam belsendileri ózderiniń áleýmettik jelileri arqyly almatylyqtardy  saılaý naýqanynyń barysy men  Qazaqstan Respýblıkasy Prezıdenti saılaýynyń  ótkizilý úrdisin baqylaýǵa  qatysýǵa shaqyrdy. Bul týraly jýrnalıserge qor belsendisi, qoǵam qaıratkeri, Independ Digital Agency basshysy Rafael Gasanov aıtty.



Belsendiniń aıtýynsha, qazirdiń ózinde 100 azamat baqylaýshy bolýǵa nıet bildirgen.

– Baqylaý úrdisin júrgizý  úshin ádette bizge 500-600-deı adam qosylady, ótken referendýmda da, ótken Májilis saılaýynda da solaı boldy, bul joly baqylaýshylar odan kem bolmaıdy dep senemiz, – dedi qoǵam qaıratkeri.

Rafael Gasanov málimdegendeı, jaqyn arada baqylaýshylar mektebi óz jumysyn bastamaq, belsendiler onyń ashylǵany týraly áleýmettik jelilerdegi paraqshalarynda habarlaıdy. Dárisker retinde saılaý ýchaskelerinde jumys tájirıbesi bar volonterler qatysady. Eriktilermen qosa  zańgerler de shaqyrylady, olar  bolashaq baıqaýshylardy saılaý zańnamasynyń negizderimen tanystyrady.  Barlyq belsendiler anyqtamalyq ádebıettermen, atap aıtqanda, «baqylaýshy dápterimen» qamtamasyz etiledi, bul olarǵa  saılaý ýchaskeleri men saılaý barysyn monıtorıńileý men baqylaý kezinde quqyqtyq resýrs retinde qajet bolady.



Rafael Gasanov tujyrymdaǵandaı, «Qoǵamdyq pikir» qorynyń baqylaýshylary saılaý ýchaskeleriniń saılaýǵa daıyndyǵyn, atap aıtqanda, olardyń qajetti qural-jabdyqtarmen jáne erekshe qajettilikteri bar adamdar úshin ınfraqurylymmen qamtamasyz etilýin tekseredi.

Saılaý kúni saılaý ýchaskelerine baıqaýshylar bekitilip, olar monıtorıń júrgizip, saılaý barysyn baqylaıdy. Sondaı-aq qoǵamdyq belsendiler sapynan mobıldi toptar qurylady. Olar daýly máseleler, zań talaptarynyń saqtalýy, daýys berý erejeleri boıynsha suraqtar týyndaǵan jaǵdaıda jedel túrde saılaý ýchaskelerine barady.



Saılaý kúni qoǵamdyq belsendiler  jarty saǵat saıyn saılaý naýqany barysy týraly esep daıyndaıdy. Olar óńirlerdegi ókildermen  onlaın rejımde pikir, derek  almasady, bul búkil eldegi daýys berý barysyna taldaý jasaýǵa  múmkindik beredi.

Rafael Gasanov bul jumystardyń qorytyndysy boıynsha qoǵamdyq belsendiler  arnaıy qarar daıyndaıtynyn aıtty. Bul qujatta olar ózderiniń barlyq baqylaý jumystarynyń  nátıjelerin kórsetedi. Qarar OSK-ǵa jiberiledi.

Brıfıńte Rafael Gasanovpen qatar basqa da qoǵamdyq belsendiler – jýrnalıs, bloger, «Anyq Time» telebaǵdarlamasynyń júrgizýshisi Maqsat Mamadıarov jáne t.b. sóz sóıledi. Olar kámelettik jasqa tolǵan jastardy  baqylaý prosesine belsendi qatysýǵa shaqyrdy.
Bul maqala týraly ne oılaısyz?