Tiri bolsam, qazaqqa qyzmet etpeı qoımaımyn!

Álıhan Bókeıhan

ALMATYDA REFERENDÝM BAQYLAÝSHYLARY DAIYNDYQTARYN BASTADY

26 mamyr 2022 52
Independ.kz ortalyǵynda «Azamattyq bastamalar ortalyǵy» qoǵamdyq birlestiginiń brıfıńi ótti.



Maqsat –  jalpyhalyqtyq daýys berý rásimine azamattyq baqylaýdy keńinen qamtamasyz etý jáne aldaǵy referendým rásimderiniń ádildigi men adaldyǵyna kepildik berý máselesin talqylaý.

Qoǵamdyq birlestiktiń ókilderi referendýmǵa monıtorıń júrgizetin shtab qurǵandyǵyn habarlady. Shtabtyń aldaǵy qyzmeti týraly onyń jetekshisi Botagóz Qudysheva, Áýezov aýdanynyń úılestirýshisi Janna Muqataeva, Almaly aýdanynyń úılestirýshisi Jasulan Tájibaev aıtyp berdi.

Botagóz Qudysheva referendým halyq pikirin bildiretin múmkindik bolǵandyqtan, mundaı sharany «Azamattyq bastamalar ortalyǵy» qoǵamdyq birlestigi  qoldaıtynyn málimdedi. Onyń aıtýynsha, elimizdiń árbir azamaty búginde Jańa Qazaqstan ıdeıasyn teń múmkindikter kelbeti, áleýmettik ádilettilik jáne árbir adamnyń ál-aýqatynyń ósýine jasalǵan qadam retinde qabyldaıdy jáne odan shabyt alady. Qoǵamdyq birlestik belsendileriniń atynan Botagóz Kudysheva Jańa Qazaqstanda memlekettik emes uıymdar mańyzdy ról atqaratynyna senim bildirdi.

Janna Muqataeva óz kezeginde qoǵamdyq birlestik eriktileri árqashan elimizdegi qoǵamdyq ózgeristerdiń basy-qasynda júretindigin jáne memlekettik qurylymdardyń jumysyna monıtorıń júrgizetindigin aıtty. Sondaı-aq, 4-6 maýsym aralyǵynda Markov kóshesi men Ǵabdýllın kóshesiniń qıylysynda ornalasqan ǵımarattyń 4-qabatynda (Kóktem shaǵyn aýdany) uıymnyń shtaby jumys isteıtinin habarlady.

«Azamattyq bastamalar ortalyǵy» qoǵamdyq birlestigi  atynan kezdesýdi túıindegen Jasulan Tájibaev barlyq azamattardy referendýmda daýys berýge, sol arqyly Jańa Qazaqstandy qurýǵa óz úlesterin qosýǵa shaqyrdy.
Bul maqala týraly ne oılaısyz?