9 qazan kúni Almaty qalasy "Qazaqstan" qonaq úıinde «Áleýmet – qoǵam aınasy» baıqaýynyń jeńimpazdaryn marapattaý saltanatty sharasy ótti.
Baıqaýǵa 40-qa jýyq shyǵarma kelip túsken. Ádilqazylar alqasynyń tóraıymy Aınur Sembaevanyń aıtýynsha jeńimpazdardy anyqtaý qıyndyq týdyrmaǵan.
Baıqaý týraly pikirin bildirgen "Zań" gazetiniń bas redaktory Aınur Sembaeva: "Áleýmettik taqyryptardy jazatyn jýrnalıser kileń jastar boldy. "Shevron" kompanıasynyń áleýmettik baǵdarlamalary týraly jazǵandar, násıhattaǵandar da boldy. Qazylar alqasy birin-biri bilgen joq. Biraq, báriniń birinshi orynǵa, ekinshi orynǵa qoıǵan júldegerleri birdeı bolyp otyrdy" deıdi.
Esterińizge sala keteıik, áleýmettik taqyrypqa jazatyn BAQ ókilderiniń kásibı biliktiligin kóterý jáne jazarman qaýymnyń shyǵarmashylyq qarymyn kúsheıtý, yntalandyrý maqsatynda ótken baıqaýǵa 7 júldeli oryn taǵaıyndaldy.
Shyǵarmalardy baǵalaý materıaldardyń obektıvtiligi, kásibı sheberligi, áleýmettik jobalardyń mańyzdylyǵyn jan-jaqty ashyp kórsetýi, jumystardyń shyǵarmashylyq tolymdyǵy syndy birneshe ólshem negizinde júrgizilgen.
Júldeli oryn alǵandar:
1. Ásel Jaqsybaı 1-oryn
2. Jadyra Múslim 2-oryn
3. Danıar Bolysbekuly 3-oryn
Yntalandyrý syılyǵy:
1. Aıdaǵaraev Baǵdáýlet
2. Dastan Bashırov
3. Aınagúl Shakýpova
4. Dáýren Mahımov
