Tiri bolsam, qazaqqa qyzmet etpeı qoımaımyn!

Álıhan Bókeıhan

Almaty oblysy Qostanaı óńirine 105 tonnadan astam azyq-túlik jiberdi

06 qyrkúıek 2022 51
 

Qostanaı oblysynda 43 ga orman órtke oranyp, saldarynan úıler órtendi, halyq múlikterin aıyryldy, jaraqat alǵandar qanshama. Eldi-mekenderden 1800-ge jýyq adam evakýasıalandy.

Búginde óńirdegi jaǵdaı óte kúrdeli. Osyǵan oraı, oblys halqyna elimizdiń túpkir-túpkirinen kómek kórsetilip jatyr.

El basyna kún týǵanda Almaty oblysy da únsiz qalmady. Alǵashqylardyń biri bop, Áýlıekól aýdanynyń turǵyndaryna qoldan kelgenshe qoldaý kórsetip jatyr.

Búgin Qostanaı oblysyna jalpy salmaǵy 105 tonnadan astam azyq-túlik gýmanıtarlyq kómek jiberildi.

Birneshe kún boıy otandastarymyzǵa Almaty oblysynyń ákimdigi, eriktiler, jastar, kásipkerler men janashyr azamattar shette qalmaı, azyq-túlikpen qatar qurylys materıaldary men jeke kútim quraldary jiberip otyrddy.

Front keńseniń basshysy Erasyl Tolymbekulynyń aıtýynsha, Almaty oblysynyń ákimdigi Qostanaı oblysynyń mekemesimen baılanysta bop, gýmanıtarlyq kómek jınaǵan.

«Osyndaı qıyn-qystaý sátterde qazaqstandyqtar aýyzbirshilikterin kórsetip jatyr. El Prezıdenti Qasym-Jomart Toqaev zardap shekkenderdiń otbasylarymen jeke kezdesip, árbir otbasy bizdiń Úkimettiń qaraýynsyz qalmaıtynyn aıtty. Qostanaı oblysynda zardap shekkenderge kómek kórsetý jónindegi halyq aksıasyn qoldaı otyryp, Almaty oblysy da kómekke óz úlesterin qosýda. Iaǵnı, balalarǵa arnalǵan jaıalyqtar – 9 myń dana, qurylys materıaldary – 10 tonna, azyq-túlikten: kúnbaǵys maıy, taýyq eti – 10 tonna, kespe – 3 tonna, pıaz-7 tonna, kúrish pen alma-5 tonnadan jáne taǵy da basqasy ıýar. Sonymen qatar, birqatar memlekettik qyzmetkerler bir kúndik jalaqylaryn aýdardyi. Qazirgi ýaqytta aımaqtan eki gazel men tórt júk kóligi shyqty. Qostanaı oblysyna kómekke 10 erikti ketti», - dedi ol.
Bul maqala týraly ne oılaısyz?